Gjykata e Posaçme për Korrupsionin dhe Krimin e Organizuar ka vendosur disa muaj më parë sekuestro mbi llogaritë bankare në emër të mjekut Edvin Prifti duke i sekuestruar shumën prej 51.479.368 lekëve dhe shumën prej 177.497 eurove, në total mbi 73 milionë lekë.
Mjeku e ankimuar këtë vendim por i është refuzuar nga apeli i GJKKO, duke e lënë në fuqi sekuestron ndaj pasurisë së tij. Më herët, mjekut Edvin Prifti i është sekuestruar edhe shuma e 380 mijë eurove, sasi që iu gjet cash në shtëpi, duke e çuar shumën e sekuestruar në total, 1 milionë euro.
Prifti akuzohet se mori ryshfet nga kryesekretarja e Gjykatës së Krujës, Manuela Mallakuçi për t’i operuar nënën. Si pasojë, Prifti u arrestua më 15 shkurt në sallën e gjyqit, por në banesë dhe çantën e shpinës iu gjetën afro 380 mijë euro.