Deputeti i Partisë Socialiste, Petro Koçi thotë se do votojë kundër heqjes së mandatit të kolegut socialist, Vullnet Sina.
Në një intervistë për “Newsline” në ABC News, Koçi u shpreh se nuk ka konflikt interesi me mandatin e Sinajt. Sipas Koçit, kjo është një luftë politike e opozitës për vëmendje.
“Unë do votoj kundër, siç kam votuar kundër edhe në rastin e parë. Rasti është minor, deputeti nuk është i përfshirë drejtpërdrejt, por është i përfshirë indirekt.
E gjykoj si luftë politike të opozitës, sikur po lufton konfliktin e interesit. Në këtë rast nuk është i tillë.
Diskutohet që kompanitë ku zoti Sina është aksioner, ka vepruar duke bërë shitje në site shtetërore”, theksoi ai.