Detaje të reja janë zbardhur nga plagosja me thikë e një 15-vjeçari në Gjirokastër.
Adoleshenti është plagosur nga një bashkëmoshatar, ndërsa vajza ishte dëshmitare.
Dyshohet se shkak i konfliktit ka qenë pretendimi i djalit tjetër se i ngacmonte motrën 13-vjeçare.
“Sot me datë 08.03.2024 rreth orës 08:05 në lagjen “18 shtatori”, gjatë një konflikti të çastit një 15-vjeçar ka goditur me mjet prerës bashkëmoshatarin e tij, i cili ndodhet në spital, në kujdesin e mjekëve.
15-vjeçari është shoqëruar në ambientet e Policisë për veprime të mëtejshme. Grupi hetimor vazhdon veprimet në vendngjarje për zbardhjen e plotë të rrethanave të ngjarjes”, thuhet në njoftimin e policisë.