Megjithëse sot presidenti Meta do të kryesojë Samitin e Brdo-Brijunit, ku marrin pjesë drejtuesit e shteteve të Ballkanit Perëndimor, ai e ka nisur ditën duke bërë vrap nga liqeni.
Kreu i shtetit ka postuar një foto në Instagram, ku duket i veshur sportiv, duke vrapuar në natyrë, me buzëqeshje në fytyrë dhe shkruan “Shqiptarët janë europianë me mendje dhe me zemër. Gëzuar ditën e Europës”.
9 Maji njihet si dita e Fitores dhe mbarë Evropa përkujton fitoren ndaj nazistëve gjatë Luftës së Dytë Botërore.
Me siguri që pas vrapit te liqeni, presidenti Meta do të vrapojë për te samiti i Brdo-Brijunit , ku marrin pjesë presidentët e shteteve të Rajonit të cilët janë mbledhur të gjithë sot në Tiranë.
