Monika Kryemadhi është paraqitur paraditen e sotme në GJKKO, por ajo që ka rënë në sy është se ajo mbështetej në një bastun.
E pyetur nga gazetarët mbi arsyen se përse ka bastun me vete, Kryemadhi u përgjigj: “Kështu e ka jeta!”, ndërsa ka shtuar se nuk është rrëzuar.
Në Apelin e GJKKO do shqyrtohet ankimi i Kryemadhit për sekuestron e 2 vilave në pronësi të saj dhe së ëmës Fatime Kryemadhi. Pronat ndodhen në rezidencën Kodra e Diellit në Tiranë.
Masa e sekuestros vjen pas hetimeve të nisura ndaj çiftit Meta – Kryemadhi që akuzohen për korrupsion, pastrim parash e fshehje pasurie.