Ushtria turke ka arrestuar gjatë këtyre ditëve 287 terroristë të ISIS, të cilët ikën nga burgu Ras al Ayn sirian, ndërkohë që mes tyre deklarohet se është edhe motra e kreut të ISIS, i cili u ekzekutua nga marinsat amerikanë.
Konkretisht, Turqia pretendon se ka kapur motrën më e madhe të liderit të ISIS-it të vrarë nga amerikanët, Abu Bakr al Bagdadi. Gruaja 65-vjeçare, e njohur me emrin Rasmiya Aëad, për autoritetet turke është “një minierë ari për inteligjencën” për shkak të informacioneve të shumta që ajo ka për ISIS.
Këtë e zbuloi zëvendësministri i Brendshëm, Ismail Catakli. “Ne kemi arrestuar 242 të huaj nga 19 kombësi të ndryshme dhe 45 terroristë turq. ‘Të huajt janë në zonën e sigurt, nën kontrollin tonë në Siri. Vendet e origjinës janë informuar tashmë”, tha Catakli.
Turqia ka akuzuar militantët kurdo-sirianë se kanë liruar rreth 750 terroristë të ISIS-it nga burgu Ras al Ayn gjatë sulmit të fundit turk në verilindje të Sirisë, ndërkohë që vazhdon ofensiva e ushtrisë turke kundër ISIS.