Një aksident tragjik ka ndodhur pranë Urës së Prekanit në Shënkoll të Lezhës. Një person ka humbur jetën si pasojë e përplasjes së fortë me makinë.
Policia njofton se automjeti me drejtues shtetasin Xh.N.,32 vjeç, banues në Kurbin është përplasur me mjetin çiklomotor me drejtues T.D, 55 vjeç, banues në Grykë Lumi, Lezhë, i cili për pasojë ka humbur jetën.
Ndërkohë që drejtuesi i makinës ka mbetur i lënduar, pasi pas përplasjes së fortë me motorin, makina ka përfunduar në kanalin anash rrugës. Ende nuk dihen shkaqet e këtij aksidenti të rëndë. Policia dhe grupi hetimor ndodhet në vendin e ngjarjes dhe po punon për zbardhjen e shkaqeve të aksidentit.