Kryeministri Edi Rama, i ftuar në emisionin “Real Story” të gazetarit Sokol Balla në Vizion Plus, ka folur përballë analistëve Agron Gjekmarkaj dhe Arian Vasiari, në lidhje me përgjimet e dosjes “339”, të publikuara nga gazeta gjermane Bild. Në një moment, Kryeministri ka pasur një moment debati me tone të larta me analistin Gjekmarkaj, në lidhje me këto audiopërgjime.
Pjesë nga debati:
Rama: Nuk ka asnjë fakt, zero që ky grup kriminal ka marrë një gjë nga Bashkia e Durrësit. Bashkia e Shijakut nuk e di.
Gjekmarkaj: Fjalën turp përdore me Vangjush Dakon jo me mua.
Rama: Qetësohu dhe respekto tavolinën. Fol pa prekur personin përballë. Se sa plehra ka në Shqipëri dhe i thonë njëri-tjetrin se asin me kryeministrin, unë nuk mbaj përgjegjësi.
Gjekmarkaj: Është bashkia numër dy e vendit. Ata i kërkuan më sill listat e votuesve të Partisë Demokratike që t’i tundim dhe të japin rezultatin 10 me zero për ju.
Rama: Unë thashë janë indicie.
Gjekmarkaj: Je shumë ngushtë realisht. Nëse unë jam shërbëtor, ju jeni shërbëtor i krimit të organizuar.
Rama: Ky është shërbimi yt për revolucionin.
Gjekmarkaj: Shqipërinë e keni kriminalizuar duke çuar kriminelë në Parlament dhe kryetarë bashkish.
Rama: Këta njerëz 20 vjet kanë shërbyer atje si amurtar të Partisë Demokratike.
Gjekmarkaj: Mos bëj monolog por na lërë dhe në të tjerëve të flasim
Rama: Duke folur si fyes do t’i shërbesh revolucionit. Unë me njerëzit jam po, jo, i bie shumë shkurt në telefon.
Rama: Ai thotë më hiq gjobën, por nuk ka heqje gjobash. Nga pikpamja ime përgjimet janë një neveri e madhe dhe nga pikëpamja e këtyre muhabeteve janë një neveri po aq e madhe. Nga pikëpamja morale nuk keni pse e bëni këtë bisedë me mua pasi Dako nuk është kandidat bashkie.
Gjekmarkaj: Ke qenë në Zvicër?
Rama: Jo nuk kam qenë
Gjekmarkaj: Pse nuk mbani standardin austriak?
Rama: Hej zoti i madh, zëvendës Kancelari i Austrisë u kap duke bërë një pazar, një korrupsion të madh…
Rama: Në telefon unë dal si njeri që bërtas…
