Mëngjesin e sotëm, një numër i madh qytetarësh nga Kosova iu drejtuan pikës kufitare të Morinës për të bërë pushimet në bregdetin shqiptar.
Numri i madh i automjeteve krijoi fluks në pikën kufitare. Shqiptarët e Kosovës thonë se vijnë në vendin tonë për të bërë plazh në qytetet bregdetare si Shëngjini, Velipoja, Durrësi, por edhe në Ksamil.
Pandemia e koronavirusit nuk i ka ndalur lëvizjet e tyre. Ata thonë se duan ta shfrytëzojnë sa më shumë këtë periudhë për të marrë rreze dielli dhe për të shijuar bregdetin.