Në kohën kur opozita parlamentare vijon të jetë kundër votimit të Reformës Zgjedhore, dakordësuar mbrëmjen e 5 Qershorit në Këshillin Politik dhe kur një prej firmëtareve të asaj marrëveshje, Rudina Hajdari është shprehur publikisht se nuk do ta votojë atë në Parlament, sërish janë ndërkombëtarët ata të cilët janë duke bërë çdo përpjekje për arritjen e gjetjes së dakordësisë mes të gjithë palëve. Me anë të një postimi ne Twitter, Ambasadorja e SHBA, Yuri Kim ka njoftuar se është takuar me Rudina Hajdarin, ku ndër të tjera, temë e diskutimit ka qenë dhe qëndrimi i saj.
“U takova me Rudina Hajdarin për të diskutuar udhëheqjen e saj të Këshillit Kombëtar për Integrime Europiane dhe vendimin e saj strategjik për të mbështetur marrëveshjen e 5 Qershorit për Reformës Zgjedhore në mënyrë që Shqipëria të përmbushë parakushtet e Bashkimit Europian. Unë e respektoj luftën e saj parimore për më shumë, ndërkohë që mban parasysh panoramën e pëgjithshme.” – shkruan Ambasadorja Kim më Twitter.
Met with @rudina_hajdari to discuss her leadership of National Council for European Integration & her strategic decision to support 6/5 Electoral Reform agreement so that 🇦🇱 can meet 🇪🇺 preconditions. I respect her principled fight for more while keeping big picture in mind.
— Ambassador Yuri Kim (@USAmbAlbania) June 14, 2020