Katër punonjës të burgjeve janë vrarë pasi revoltës së të burgosurve në Volgograd të Rusisë. Forcat speciale sulmuan objektin IK-19 Surovikino pasi të burgosurit me thikë, të cilët e identifikuan veten si militantë të Shtetit Islamik (IS), pretenduan se kishin marrë kontrollin e kompleksit të gjerë.
Autoritetet thanë se nga operacioni i forcave speciale u liruan disa pengje dhe u neutralizuan të gjithë sulmuesit, por më vonë konfirmuan se katër punonjës të burgut kishin vdekur.
Garda Kombëtare e Rusisë Rosgvardia tha se snajperët qëlluan katër sulmues në operacionin e shpëtimit. Sulmi filloi gjatë një takimi të komisionit disiplinor, tha në një deklaratë Shërbimi Federal i Ndëshkimit të Rusisë (FSIN).
FSIN tha se tetë punonjës të burgut dhe katër të dënuar ishin marrë peng. Disa raportime në mediat ruse sugjeruan se drejtori dhe zëvendësdrejtori i burgut ishin midis atyre që u kapën.
Pengmarrja në Volgograd është incidenti i dytë i tillë këtë verë, pasi gjashtë të burgosur që u zotuan për besnikëri ndaj grupit të Shtetit Islamik kapën dy roje në një strukturë në rajonin fqinj të Rostovit.
Pesë nga të burgosurit u vranë dhe i gjashti u dënua me 20 vjet burg pas sulmit./abcnews.al