Komisioni i Ankimimeve dhe Sanksioneve (KAS), po shqyrton sot kërkesat ankimore për qarkun e Gjirokastrës.
Pas pyetje-përgjigjeve të nënkomisioneres Lealba Pelinku, anëtarët e KAS Ilir Rusmali dhe Ledio Braho kanë debatuar me njëri-tjetrin.
Rusmali i ka kërkuar Brahos që të mos intimidojë nënkomisioneren, ndërsa Braho iu përgjigj se me votën e tij Rusmali ka qenë deri më tani kundër zbulimit të cenimit të vullnetit.
Një tjetër çështje që ka përplasur Brahon dhe Rusmalin janë komisionarët dhe operatorët që kanë shkelur ligjin, ku Braho tha se nuk ka përse të zbulohet identiteti i tyre por të bëhet kallëzim penal dhe Prokuroria të merret me rastet.
Avokati i LSI, Altin Kaziaj iu drejtua Rusmalin me fjalët: “Po paragjykoni procesin. Do kërkojmë përjashtimin tuaj se po shprehesh mbi çështjen. Kini kujdes se do e vëmë në ngërç institucionit”.
Debatet
Braho: Çfarë supozoni të dali më tepër nga nënkomisionerja?
Rusmali: Mos e intimido, nuk është vartësja jote, është eproroja jote. Mos i bëjmë presion nënkomisonerëve.
Braho: Nuk e di ku doni të dilni!
Rusmali: Se ku dua të dal ta them në dhomën e këshillimit.
Braho: Po mund ta thoni edhe këtu publikisht.
Rusmali: Ti thuaje ne TV. Unë jam në seancë pyetjesh dhe i pyes dëshmitarët. Mu duk se po e intimidoje dhe ndërhyra.
Braho: Ju deri tani me votën tuaj keni qenë kundër zbulimit të cenimit të vullnetit.
Rusmali: Mos intimido dëshmitaret!
Braho: Pse-në e gjen Prokuroria nuk e gjejmë ne.
Kaziaj: Ç’është kjo lojë! Pezullojmë procesin mblidhni veten. Po na cenohen të drejtat ne, ju po bëni teatrin.
*****
Rusmali: Edhe komponentin e Portokallisë në këtë seancë e mbyllëm, na ka ngelur rubrika e sportit.
Braho: Kemi parë mendime pakice që dalin më parë në gazetë se sa këtu, ndaj nuk është nevoja të hidhni hipoteza me Portokalli apo të kësaj natyre, kështu që përmbahuni, tregohuni profesional deri në fund. Lërini këto etiketime…Nëse doni ti bëni gjyq publik një personi nuk është vendi këtu.
Arsye të shëndoshë nëse një anëtar ka qenë i bardhë apo i zi, s’më duhet fare. Mjafton që ka shkelur ligjin, KQZ të vijojë me procedurat për të bërë kallëzim penal për këto persona dhe ju mund ta mësoni në Prokurori kush është.
********
Lealba Pelniku: Është e nevojshme hetim i thelluar. Duhet të verifikohen materialet filmike dhe prokuroria ka detyrimin të paraqesë këto materiale dhe të bëjë verifikimet e saja.
Ilir Rusmaili: Kjo do të thotë që nuk është përfundimtar?
Lealba Pelniku: Sa i takon KQZ është përfundimtar.
Ilir Rusmaili: Ju nuk do të bëni veprime të tjera, të shihni kamerat, të thoni se është rast i verifikuar, komisioneri ka votuar 15 herë? Ju s’do të bëni veprime të mëtejshme?
Lealba Pelniku: jo.
Ilir Rusmaili: Janë dy raste që keni markuar në tabelë dhe bëhet fjalë për persona që kanë vendosur me të njëjtin identitet, në dy qendra votimi. Bëhet fjalë për individë që janë në një qendër votimi dhe kanë votuar komisioner, e në tjetrën si zgjedhës. Ju i njihni, e dini çfarë funksionesh kanë ushtruar këto në administratën zgjedhore ditën e zgjedhjeve?
Lealba Pelniku: Informacioni që ne kemi është administratë zgjedhore.
Ilir Rusmaili: Cila ka qenë detyra, me çfarë detyre janë ngarkuar?
Lealba Pelniku: Ne na rezulton që është identifikuar në paisjen PEI është identifikuar si administratë zgjedhore.
Ilir Rusmaili: Nuk e keni verifikuar personin? Keni ndërmend të bëni këtë gjë?
Lealba Pelniku: Kjo mund të bëhet.
Ilir Rusmaili: Unë dua të kuptoj vlerën e provës. Ne kërkuam thirrjen e dëshmitares me qëllim që të çmonim provën, jemi duke çmuar provën. Nëse nuk e çmojmë provën nuk japim dot vendime. Nëse ne, bazojmë vendimin tonë mbi një material që nesër do të griset bëjnë akt padrejtësie. Ndaj duhet ta sqarojmë këtë element. Në sqarimin e ditës së sotme thuhet që nuk është përfundimtar, ndërsa anëtarja e KQZ thotë se është përfundimtar. Komisioneri është verifikuar, bëra thirrje KQZ që të bëhet procedim penal. Ka dy raste që komisionerët kanë votuar nga dy herë. Ju keni përballë sot, dokument dhe thënie dëshmitarësh kontradiktore, cilën anë do të mbani?
Ledio Braho: Nuk ka asgjë kontradiktore, thjesht dokumenti sot është më i detajuar. Mund të gjesh që në një qendër votimi ka persona që kanë votuar 4 herë, vini re këtë.
Ilir Rusmaili: Ti je relator, por s’të jep të drejtën të kontestosh bindjen time. Kemi një dokument nga KQZ dhe dëshmitarit. Po përpiqem të kuptoj që zonja po flet si institucion apo jo. Kemi nevojë të dimë do të ketë verifikime mbi këtë dokument apo jo. KQZ do të bëjë veprime të mëtejshme po apo jo?
Ledio Braho: Komisionerja ka ardhur me shumë konsensus këtu, mos e trajtoni si organ hetimor.
Ilir Rusmaili: Unë marr seriozisht procesin.
Ledio Braho: Të gjithë e marrim.
Ilir Rusmaili: Dyshoj për këtë.
Ledio Braho: Në përgjithësi ne debatin e kemi mbajtur jashtë pyetjeve. Po e kthejmë si prokurori me pyetjet që i bëhet palëve. Është rasti i dytë që nënkomisioerët e KQZ hetohen si prokurori. Po e bën si hetuesia e dikurshme, mbetet vetëm ajo drita e kuqe të ndizet e të fiket,
Ilir Rusmajli: Ç’i ke këto fantazi, komisionerët janë për burg. Unë dua që provat t’i shërbejnë drejtësisë. Është interesante, si ka mundësi që asnjërit në këtë sallë nuk i intereson të dijë që me gjasë kanë abuzuar, kujt force i përkasin. Pse nuk e bën asnjeri këtë. A e nxirrni brenda kësaj seance të na tregoni se cilat funksionesh kryejnë këta persona?
Nëse jeni përpara një shkelje individuale vlera e saj në raport me kërkesën për pavlefshmëri është ajo e shkeljes individuale. Nëse jemi para një rasti kur provokimi bëhet për motive politike vlera e shkeljes është e ndryshme nga ajo e një rasti individual.
Ledio Braho: Sjemi as prokurori as gjykatë të vlerësojmë anën subjektive të komisionerëve. Se po bëni poezi këtu. Se dimë nga çfarë premisash është nisur ai komisioner për të votuar në qendra votimi. Këtë se paraqet dot asnjëherë. Ndaj pyesni prokurorinë
Ilir Rusmajli: Ne mund ta themi që se provojmë por smund ta fshehim nën rrogozë.
Ka persona që kanë votuar me të njëjtin identitet. Në një qendër kanë votuar administratorë zgjedhore dhe ju i njihni, e dini cilët kanë qenë funksionet e tyre?
Peliku: Është administratë zgjedhore…
Ilir Rusmajli: Cila ka qenë detyra e tyre?
Peliku: Na rezulton administratë zgjedhore, mund të ketë qenë Komisioner apo operator.
Ilir Rusmajli: Nuk e keni checkuar? Dhe nuk keni ndërmend ta bëni?
Peliku: Kjo mund të kryhet
Ilir Rusmajli: Po a ishte përfundimtar hetimi, apo do ta çelëni përsëri? Unë dua të kuptoj vlerën e provës. Të mbaroj unë. Unë mora leje për të bërë pyetje. Ne kërkuan thirrjen e dëshmitares me qëllim që të çmonim provën. Nëse nuk e vlerësojmë nuk japim dot vendime. Kam nevojë të di nëse është dokument përfundimar apo material pune që nuk nxjerr konkluzione përfundimtare. Është thelbësore që ta sqarojmë deri në fund këtë element, apo nëse KQZ do të bëjë hetime më të thelluara. Kemi dy dokumenta, njëri thotë që nuk është përfundimtar dhe dëshmia pretendon të kundërtën. Ke dëshminë e saj që thotë se është përfundimtar. Dokumenti thotë nuk është. Jo të lutëm të mbaroj debatin me kolegët.
Ledio Braho: Komisioneri është identifikuar, nuk ke vetëm komisionerë ke edhe një tjetër.
Ilir Rusmajli: Të lutem shumë do të çmojmë provat
Ledio Braho: Po ça do i çmosh më shumë kësaj.
Ilir Rusmajli: Po krijohet përshtypja se çfarë po ndodh. Interesi juaj është dhe i yni. Ju keni përballë dokument dhe dhënie dëshmitarësh kontradiktore. Cilën anë do të mbani.
Ledio Braho: Mos e shfrytëzoni për fjalime tavolinën e KAS.
Peliku: Unë përgjigjem për fazën e parë, kjo do të jetë objekt i një hetimi të mëpasshëm. Përfundimtare janë të dhënat që ka gjeneruar procesi i të dhënave.
Ilir Rusmajli: Në dokument flitet për dyshime, sot folët për përputheje. Janë informacione kontradiktore.
Ledio Braho: Po e sqaroi pra. Luajmë teatër.
Ilir Rusmajli: A ka mundësi se jam duke punuar për ju, jo për veten time. Zoti Braho të jep të drejtën të menaxhosh debatin por jo të kondicionosh bindjen time. Po arrij të përpiqem e të kuptoj.