Presidenti Ilir Meta ka bërë thirrje për kushte më të mira e më dinjitoze pune dhe për respektim të legjislacionit, që garanton plotësisht të drejtat e punëtoreve në ditën e 1 Majit.
“Me punën, mundin dhe energjinë e tyre, punëtorët kanë një kontribut thelbësor për zhvillimin, mirëqenien dhe përparimin e vendit. Por fatkeqësisht, Shqipëria ka ende një nivel të papranueshëm papunësie dhe vazhdon të vuajë largimin në emigrim të shumë punëtorëve, veçanërisht atyre të kualifikuar.” – shkruan Meta në Facebook.
Presidenti tha se është detyra e shtetit në radhë të parë të garantojë vende pune dhe kushte të mira për një të ardhme më të mirë dhe zhvillim ekonomik të Shqipërisë.