Këtë fundjavë në futbollin francez do të shkruhet historia, pasi në Ligue 1 do të gjykojë një ndeshje futbolli një arbitre femër.
Ajo është Stéphanie Frappart, arbitre që aktualisht gjykon ndeshjet e Ligue 2 në Francë, që prej vitit 2014.
Debutimi i saj si arbitre në elitën e futbollit francez ndodhë disa muaj, para se Franca të presë Botërorin e Femrave.
Frappart, 35 vjeçe, do të bëjë drejtësi në ndeshjen Amiens-Strasbourg, çka do t’i shërbejë edhe si përgatitje për fillimin e Botërorit të lartpërmendur (7 qershor), ku është e përzgjedhur nga FIFA.
Franca ka 1000 arbitra futbolli, por deri më tani, Frappart do të jetë e vetmja femër që gjykon në Ligue 1.