Tag: banka

Grabitësit, eskploziv bankomatit në Kavajë

Bankomati i një banke të nivelit të dytë është grabitur gjatë orëve të natës në qytetin e Kavajës. Grabitja ka ndodhur rreth orës 03:00 në lagjen nr. 5 të qytetit, pranë tregut bujqësor.

Grabitësit, ende të paidentifikuar, e kanë shpërthyer me eksploziv bankomatin pranë bankës. Ato kanë hedhur në erë murin anësor të bankomatit për të marrë paratë. Sipas informacioneve paraprake nga policia dyshohet se grabitësit kanë marrë një vlerë prej 1 milion lekësh, shifër që mbetet ende për t’u konfirmuar.

Deri tani janë shoqëruar në polici 10 persona, ndërsa kamerat e sigurisë kanë kapur dy persona që kanë kryer grabitjen dhe më pas janë larguar me makinë.

Policia vijon hetimet për zbardhjen e plotë të ngjarjes si dhe për identifikimin dhe kapjen e autorëve.

Gjysma e shqiptarëve kursejnë për shkollim

Banka e Shqipërisë ka publikuar së fundi një sondazh mbi kulturën e kursimit tek shqiptarët dhe sipas të dhënave rezulton se gati gjysma e shqiptarëve kursejnë për të shkolluar fëmijët e tyre ndërsa një pjesë tjetër për të ngritur standardin  e jetesës.

Të dhënat tregojnë se vetëm 44% e të intervistuarve kanë objektiva financiarë afatgjatë. Nga këta, pjesa që kanë objektiv kursimin, 49% e bëjnë për shkollën. Rreth 29.8% kanë objektiva afatgjata kursimi për shkollimin e fëmijëve dhe 18.6% për vetëshkollim, shkruan revista Monitor.

Më tej 11,9% kursejnë për të përmirësuar standardet e jetesës, 9,9% për të blerë një makinë dhe e 6.6% për të ndihmuar financiarisht fëmijët e tyre.

Rregullimi i shtëpisë stimulon 5.7% të kursimtarëve dhe po kaq blerja e një shtëpie të re.

Gjithashtu, në përmasa më të vogla, shqiptarët priren për të kursyer për dasmën e tyre apo të fëmijëve, për të zgjeruar biznesin, për shlyerjen e kredisë, apo për të udhëtuar.

Skip to toolbar