Abrashi motivon ekipin: Të mbledhim forcat për Dortmundin

Amir Abrashi është rikthyer në formë të shkëlqyer, teksa e ka treguar këtë gjë me Freiburg, që pas rikthimit si titullar në shkurt të këtij viti. Mesfushori i Kombëtares shqiptare, po luan në çdo takim titullar në Bundesliga, duke u bërë një nga lojtarët më të rëndësishëm të skuadrës në ndeshje deçizive. Ai ka folur për mediat gjermane, duke komentuar dy humbjet e fundit në kampionat të Freiburg, atë ndaj Mainzit dhe Bremenit.

Sigurisht që ndaj Bremenit ishim më mirë se në Mainz, por kemi pësuar dy gola në fund, kjo nuk duhet të ndodhë. Ne duhet të mbrojmë deri në fund. Nuk ka faj ekipi, por ne nuk duhet të heqim dorë deri në fund. Ndaj Bremen kemi pasur shanset tona dhe nëse do kishim luajtur kundërsulmin më mirë, do të kishte qenë gjithçka ndryshe”, ka thënë fillimisht Abrashi.

Freiburg e ka pothuajse të pamundur të arrij një vend në kupat e Europës sezonin e ardhshëm, pasi skuadra është aktualisht 32 pikë dhe mban vendin e 13 në Bundesligë, 15 pikë larg vendit të gjashtë, që të promovon sezonin e ardhshëm në Europa League. Pavarësisht kësaj, ndeshja e radhës është ndaj Borusia Dortmun, ekip që rivalizon për të fituar kampionatin këtë sezon në Gjermani.

Abrashi thotë se skuadra duhet të mobilizohet për këtë takim. “Në shtëpi kundër Dortmundit ne duhet të mbledhim të gjitha forcat dhe të bëjmë një ndeshje të shkëlqyer. Përndryshe nuk kemi asnjë mundësi”, ka thënë ndër të tjera mesfushori kombëtares shqiptare.

Rashica mes yjeve për golin më të bukur në Bundesliga

Në Gjermani po evidentohet çdo ditë  e më shumë talenti i Milot Rashicës, sulmuesit kosovar që aktivizohet me skuadrën e Werder Bremen.

Viti 2019 ka nisur në mënyrë të shkëlqyer për 22-vjeçarin, që ka shënuar 7 gola në 8 ndeshje të Bundesligës.

Shpërthimet e Rashicës në krah kanë qenë mahnitëse dhe kanë tërhequr vëmendjen e tifozëve dhe jo vetëm në Gjermani.

Sakaq, Bundesliga ka renditur 5 golat më të bukur të realizuar deri më tani nga lojtarët e kampionatit gjerman, ku mes tyre nuk mungon Milot Rashica.

Ylli kosovar i Bremen është renditur në vendin e katërt të Bundesligës me golin e realizuar ndaj Augsburg, ku është përzgjedhur goli i tretë i shënuar nga Milot Rashica në atë ndeshje.

5. Yussuf Poulsen (Leipzig): Goli i katërt në fitoren 5-0 ndaj Hertha Berlin. 7 gola në vitin 2019, 15 këtë sezon për të.

4. Milot Rashica (Werder Bremen): Goli i tretë në fitoren 4-0 ndaj Augsburg. 7 gola në vitin 2019, 8 këtë sezon për të.

3. Ishak Belfodil (Hoffenheim): Goli i dytë në fitoren 3-0 ndaj Hannover. 9 gola për vitin 2019, 13 për këtë sezon.

2. Andrej Kramaric (Hoffenheim): Goli i dytë ndaj Nurnberg në fitoren 2-1. 9 gola në vitin 2019, 15 për këtë sezon.

Robert Lewandowski (Bayern Munich): Goli i parë në barazimin 1-1 ndaj Freiburg. 11 gola për vitin 2019, 21 për këtë sezon.

Skip to toolbar