Publikimi i përgjimeve mes Dakos dhe Avdylajt, ka bërë që kryebashkiaku i Durrësit të përplaset në distancë me kreun e PAA-së, Agron Dukën.
Në një intervistë televizive të premten Dako akuzoi Dukën duke thënë se gjatë gjithë fushatës në vitin 2013, ai ka pasur si krah të djathtë Jasin Avdylin.
Pas akuzave të Dakos, ka reaguar Duka. Ai shkruan në facebook se Dakon e njeh gjithë Shqipëria kush është dhe se fundi për të është afër.
“Kush je ti dhe çfarë të kanë bërë ata ty (fizikisht dhe moralisht) e di unë, e di Durrësi dhe tani e di gjithë Shqipëria.
Megjithatë mos u bëj merak, per fundi është afër dhe është më i ëmbël se tmerri pa fund që ke përjetuar këto kohë!”, shkruan Duka.
Sipas analistit Eduard Zaloshnja në zgjedhjet e fundit, Dako rriti numrin e votave të PS-së në qarkun e Durrësit duke shtuar një mandat deputeti, dhe këtë mandat ia hoqi pikërisht Agron Dukës, ndaj dhe përplasja mes tyre duket të jetë e fortë.