Tag: frederica mogherini

Takimi Rama-Mogherini: Rezultatet e reformave të prekshme

Kryeministri Rama, i cili ndodhet për një vizitë në Bruksel, është pritur në takim nga shefja e politikës së Jashtme, Frederica Mogherini. Ka qenë vetë zëdhënësja e Mogherinit, Maja Kocijancic, e cila përmes një postimi në Twitter tha se në takim u diskutua për rekomandimin e KE ku vlerëson rezultatet e prekshme të reformave, në veçanti ajo e reformës në drejtësi.

“Frederica Mogherini mirëpret në takim Kryeministrin e Shqipërisë Edi Rama në Bruksel, pas rekomandimit të Komisionit Europian për të hapur negociatat, duke pranuar rezultate të prekshme reformash, në veçanti me reformën e drejtësisë.”

Rama pritet që të takohet edhe me kreun e Këshillit Europian, Donald Tusk, dhe presidentin e KE, Jean-Claude Juncer, ku përveç kërkesës për hapjen e negociatave për Shqipërinë edhe kriza politike pritet të jetë pjesë e bisedimeve mes Ramës dhe krerëve të BE-së.

Mogherini: Kosova të heqë taksën dhe të ulet me Serbinë. Ndryshe… konflikt

Në konferencën për mediat, shefja e politikës së jashtme të BE-së, Frederica Mogjerini u pyet nga gazetari i Koha Ditore për operacionin policor të së martës në Kosovë dhe retorikën e presidentit Vuçiç, i cili tha se ushtria është në gatishmëri.

Mogherini tha se ajo çka ndodhi në Kosovë tregon qartë se statuskuoja në Kosovë nuk është e qëndrueshme, ndaj dhe Kosova dhe Serbia duhet të rikthehen në tryezën e dialogut. Ajo tha se nëse nuk dialogohet mes dy vendeve, konflikti i së kaluarës është gati të lindë.

“Ajo çka ndodhi në Veri të Kosovës na tregon se statuskuoja nuk është e qëndrueshme dhe Prishtina e Beogradi duhet të kthehen në tryezën e bisedimeve dhe të ecin drejt një marrëveshje të qëndrueshme dhe të normalizohen marrëdhëniet. Ajo na kujton nevojën se gjithë rajoni ka për normalizimi e raporteve mes Beogradit dhe Prishtinës përmes një marrëveshje gjithëpërfshirëse që do të ishte mënyra më e mirë se gjithë rajoni përfiton nga pajtimi. Çdo ditë na kujtohet faktin se ka tendenca të së kaluarës, për konfrontime dhe për retorikë jo bashkëpunuese. Konfrontimi mund të lindë në çdo moment, ndaj themi se jemi në udhëkryq. Nëse na humbet kjo mundësi shikoj rrezik të forcave të rrezikshme të së kaluarës dhe konfrontime. Do përmendja që Kosova duhet të heqë taksën për mallrat serbe pasi pengon kushtet për dialog dhe marrëveshje. Ne jemi të gatshëm që të flasim me ta n çdo moment për të nisur bisedimet”, tha Mogherini.

Skip to toolbar