Deputetja e PDK-së, Flora Brovina ka bërë publike gjatë seancës së sotme në Kuvendin e Kosovës disa foto që tregojnë dhunën seksuale që është ushtruar gjatë gjenocidit serb. Në foto tregohet një grua ndërsa përdhunohet në sy të familjarëve të saj, të cilat kërcënohen me armë në kokë. Brovina tha se kjo grua është ende gjallë sot dhe është e gatshme të dëshmojë.
“Rasti në fjalë është një fotografi e gjetur ne aparatin e një ushtari serb që dëshmon aktin dhe mënyrën se si i kanë dhunuar gratë. Kjo është vetëm njëra nga mënyrat kur i kanë detyruar familjarët që ta shohin aktin e dhunës seksuale. Ka shumë raste kur gratë janë mbledhur për tu dhunuar sistematikisht nga ushtarët serb” – tha Brovina