Tag: glover

Basha: Zgjidhja e krizës vjen nga reforma zgjedhore

Kreu i Partisë Demokratike Lulzim Basha ka deklaruar se reforma zgjedhore është e vetmja zgjidhje për daljen nga kriza. Basha tha se në vend që t’u hidhet faji të tjerë duhet të punojnë për të realizuar këtë reformë, pasi me akuza nuk do të arrijnë askund. Këto deklarata, kryedemokrati i bëri gjatë takimit që zhvilloi me shefen e misionit të ODIHR, Audrey Glover. Basha tha se në takim u diskutuar edhe strategjia e opozitës për këtë reformë për të siguruar në të ardhmen një qeveri në shërbim të qytetarëve.

“Me drejtuesen e misionit të OSBE/ODHIR, ambasadoren Audrey Glover. I shpreha asaj vlerësimin për kontributin e vazhdueshëm të ODIHR për proceset zgjedhore në Shqipëri .

Reforma zgjedhore është vendimtare për ne dhe e vetmja rrugë për të dalë nga kjo krizë. T’ua hedhësh fajin të tjerëve është gjëja më e thjeshtë por nuk arrin askund! Ndaj ne duhet të besojmë dhe punojmë fort për ta realizuar këtë reformë. Opozita ka një strategji të qartë dhe është momenti për ta zbatuar pa humbur kohë! Të gjithëve na takon të punojmë pa u lodhur për të ndërtuar një të ardhme më të mirë për fëmijët tanë. Një të ardhme ku të kemi një qeveri me të vërtetë të njerëzve, të zgjedhur nga njerëzit dhe që punon vetëm për njerëzit!” tha Basha

Reforma Zgjedhore ka rikthyer në Tiranë shefen e misionit të ODIHR, Audrey Glover, e cila do të diskutojë me aktorët politik për rekomandimet e OSBE. PD ka paraqitur për këtë reformë një platformë me 5 pika ku kërkohet që ajo të diskutohet pa praninë e opozitës parlamentare dhe me praninë e ndërkombëtarëve.

OSBE me 250 vëzhgues. Glover: S’kam monitoruar zgjedhje pa opozitën

Shefja e misionit të OSBE-ODHIR për monitorimin e zgjedhjeve të 30 qershorit në Shqipëri, Audry Glover, tha se do të angazhohen 250 vëzhgues për monitorimin e procesit zgjedhor dhe më pas për hartimin e raportit përfundimtar. E pyetur nga gazetarët sesi do të cilësohen zgjedhjet në Shqipëri kur opozita nuk do të marrë pjesë në to, ajo tha se nuk kishte monitoruar asnjë proces zgjedhor ku opozita nuk merr pjesë, ndërsa shtoi se në raport do të mbahet shënim çdo gjë që lidhet me standardet zgjedhore. Ajo gjithashtu tha se vëzhguesit e OSBE-së do të bëjnë sytë katër përsa i përket shit-blerjes së votave dhe presioneve që mund t’i bëhen votuesve.

 “Siç e kam thënë gjithmonë, roli ynë është të japim një vëzhgim teknik të këtij procesi. Është roli i qeverisë dhe partive politike që të vendosin si do t’i përdorin rekomandimet  tona. Nuk më ka ndodhur asnjëherë të vëzhgojë zgjedhje ku opozita nuk ka marrë pjesë në zgjedhje. Por ne do të bëjmë atë që bëjmë gjithmonë në çdo proces zgjedhor, do raportojmë atë që ndodh gjatë procesit zgjedhor.

Ne nuk i përmendim parregullsitë në momentin kur ndodhin, por në fund të procesit kur nxjerrim raportin. Sigurisht që vëzhguesit tanë do ti mbajnë sytë hapin raste të tilla si shit blerja e votave, por edhe intimidimi i votuesve”, është shprehur Glover.

Ajo është pyetur nëse do të ishte më mirë që në Shqipëri të shtyhet data e zgjedhjeve për shkak se në gjysmat e bashkive ka vetëm një kandidat dhe u shpreh se “nuk është puna jonë që të ndërhyjmë në këtë mënyrë duke bërë sugjerime të tilla. Por ne jemi këtu për të vëzhguar zgjedhjet në mënyrë të paanshme. Nuk jemi për të dhënë sugjerime sepse kjo do ishte ndërhyrje”.

Opozita ka vendosur të mos marrë pjesë në zgjedhje duke dhënë si një nga arsyet, shit blerjen e votave nga qeveria.

Skip to toolbar