Ndërhyrje në rrjet, nesër kufizimi energjie në disa zona të Tiranës

Operatori i Shpërndarjes së Energjisë Elektrike, vijon rikonstruksionin e rrjetit elektrik në kryeqytet. Të premten në datën 18 tetor, disa zona të Tiranës do të kenë kufizime të energjisë elektike.

Sipas një njoftimi të OSHE, të premten do të ketë stakime të energjisë elektrike në rrugët “Albanopoli” “Albanopoli”, “Arben Broci”, “Hysen Xhura”, “Vath Koreshi”, “Mihal Grameno”, “Haki Shehu”, “Kolë Kamsi” dhe “Rruga e Xibrakëve”.

Kufizimi i energjisë fillon paradite në orën 09:00 dhe rikthehet në orën 15:00 të pasdites.

Prej kohës, OSHE është duke ndërhyrë në rrjetin e shpërndarjes së energjisë elektrike në Tiranë, duke bërë rikonstruksione në linjat e transmetimit dhe kabina.

Punime në rrjet, kufizim energjie në disa zona në Tiranë

Disa zona të kryeqytetit do të kenë kufizime të energjisë elektrike në datën 8 dhe 9 tetor. Sipas një njoftimi të Operatorit të Shpërndarjes së Energjisë Elektrike, mësohet se në datën 8 tetor, duke filluar nga ora 09:00 deri në orën 15:00 të pasdites, do të ketë kufizime të energjisë elektrike në rrugët “Hoxha Tashin”, “Arkitekt Sinani”, “Ali Demi”, “Ferit Xhajko”, rruga e Dibrës pranë Medreses, “Thanas Ziko”, “Ibrahim Buzhiqi”.

Gjithashtu, po në datën 8, duke nisur nga ora 12:00 deri në orën 14:00, do të ketë furnizim të energjisë elektrike në rrugët: “Asim Zeneli”, “Rruga e Elbasanit” dhe rruga “Dervish Hima”, ndërsa në rrugët “Ludovik Shllaku” pranë sheshit “Avni Rustemi”, në Ibë, Mullet dhe Dobresh, energjia elektrike do të ndërpritet nga ora 10:00 deri në orën 12:00 të datës 8 tetor.

Një ditë më pas, në datën 9, energjia elektrike do të jetë e kufizuar në rrugët: “Petro Nini Luarasi”, rruga e Dibrës, “Thanas Ziko”, “Ibrahim Buzhiqi”, “Hoxha Tahsim”, “Arkitekt Sinani”, “Ali Demi”, duke filluar nga oran 09:00 deri në orën 15:00. Ndërkohë, në rrugët “Todi Shkurti” dhe “Petro Nini Luarasi” energjia do të kufizohet nga ora 12:00 deri në orën 14:00. Këto kufizime, vijnë si pasojë e remonteve që kreyn OSHE në kryeqytet të rrjetit të shpërndarjes së energjisë.

Furtuna lë pa energji disa zona në vend, dëmtohet rrjeti i shpërndarjes

Shtrëngatat e shiut dhe të erës, që përfshinë vendin në orët e para të mëngjesit të së mërkurës, kanë shkaktuar probleme të mëdha në rrjetin e shpërndarjes së energjisë elektrike. Me anë të një njoftimi për shtyp, OSHEE, shprehet se furtuna ka shkaktuar probleme në disa zona në vend, si Burrel, Shkodër, Durrës, ndërsa në Lezhë situata paraqitet më problematike.

Për shkak të erërave të forta, janë dëmtuar linjat e Tensionit të Mesëm në këto qytete, duke shkaktuar ndërprerjen e energjisë elektrike për banorët dhe bizneset. Përcjellësat e energjisë elektrike janë dëmtuar për shkak të rrëzimit të pemëve, duke këputur telat. Për shkak të furtunës në Shëngjin pati dëme të konsiderueshme materiale, ku si pasojë e erërave të forta, janë dëmtuar disa biznese pranë plazhit si dhe mjetet e disa pushuesve.

Njoftimi i OSHEE

Operatori i Shpërndarjes së Energjisë Elektrike, OSHEE sh.a është duke ndjekur me përparësi furnizimin me energji elektrike të të gjithë konsumatorëve nëpërmjet rrjetit shpërndarës të energjisë elektrike nga Drejtoria e TL dhe Drejtoritë Rajonale përkatëse. Për shkak të motit jo të qëndrueshëm, me erëra të forta që ka përfshirë vendin gjatë natës së mbrëmshme dhe në vazhdim, janë dëmtuar disa linja të Tensionit të Mesëm.

Rajonet më të prekura nga defektet janë Burreli, Shkodra dhe Durrësi (zona e Krujës).

Siç shihet nga pamjet, stuhia e natës shkaktoi rrëzim të pemëve mbi përcjellësit elektrik, duke i këputur ato. Rrjeti është dëmtuar edhe nga materiale të forta për shkak të stuhisë (rasti në Tale-foto).

Problematike paraqitet situata edhe në Lezhë.

Investimet në rrjet, ndërprerje energjie në 8 dhe 9 korrik në Tiranë

Investimet për përmirësimin e rrjetit të shpërndarjes së energjisë elektrike nga OSHE në Tiranë, do të shoqërohen me ndërprerje të kufizuar të energjisë në disa zona të kryeqytetit, në 8 dhe 9 korrik. Lajmin e ka dhënë Operatori i Sistemit të Shpërndarjes së Energjisë, ku me një njoftim zyrtar, u bëhet e ditur banorëve të kryeqytetit se në cilat zona do të ketë ndërprerje të energjisë, për shkak të investimeve në rrjet. Shkëputejet e energjisë do të vijojnë nga 1 deri në disa orë, përgjatë ditës së hënë dhe të martë.

Zonat ku do të ketë shkëputje të energjisë në 8 dhe 9 korrik.

Konkretisht pa energji elektrike me datën 8 korrik do të mbeten këto zona: 09:00-12:00 rruga “Pandi Dardha”; 09:00-13:00 rruga “Njazi Demi”, rruga “Komuna e Parisit”; 09:00-15:00 rruga “Nasi Pavllo”, rruga “Jan Kukuzeli”; 9:30 deri 15:00 Rruga “Siri Kodra”, rruga “Ferit Xhajko”; 09:00-16:00 rruga “Myslym Keta”, rruga “Andrea Mano”, rruga “Njazi Meka”’; 09:00-11:00 rruga “Besim Fagu”, rruga ”5 Maji”, rruga “Njazi Meka” , rruga “Bardhyl”; 11:00-13:00 rruga “Qazim Vathi”; 13:00-15:00 rruga “Kongresi i Manastirit”.

Ndërsa me datën 9 korrik stakim energjie do të ketë: ora 01:00-04:00 rruga “Sitki Cico”; 04:00-05:00 rruga “Odhise Grillo”; 01:00-06:00 rruga “Hoxha Tahsim” pjesërisht; 09:00-16:00 rruga “Jorgo Plaku” pjesërisht, pranë rrugës “5 Maji”, rruga “Pandi Dardha”, rruga “Njazi Meka”,; 09:00-11:00 rruga “Halit Bega”, rruga “Niko Avrami”; 9.00-13.00 rruga “Preng Bibë Doda” pjeserisht, prane KESH; 09.00-15.00 rruga “Sandër Prosi”, rruga “Fortuzi”.