Vota për këshilltarët, PS dominon, por ka surpriza në disa bashki të vogla

Pas përfundimit të procesit të numërimit të votave për kandidatët për kryetar bashkie, ka përfunduar pothuajse në të gjitha bashkitë e vendit edhe numërimi i votave për anëtar të këshillave bashkiake, që do të jenë pjesë e vendimmarrjes lokale në katër vitetet e ardhshme. Në shumicën e bashkive, Partia Socialiste ka fituar shumicë të cilësuar snë këshillat bashkiake, ndërsa parti të tjera pjesëmarrëse në zgjedhje, shumica e të cilave janë aleate të PS, kanë marrë përqindje të papërfillshme.

Por, në disa bashki, ndonëse PS ka fituar shumicën e këshilltarëve, një numër i konsiderueshëm votash ka shkuar edhe për partitë e vogla. Në bashkinë e Malësisë së Madhe, PS ka marrë rreth 34.56% të votave për anëtr të këshillit, ndërsa pjesa tjetër ka shkuar për parti të tjera të vogla, ku nuërmin më të madh e ka Bindja Demokratike, FRD, Partia e Unitetit Kombëtar, PSD etj.

Në të njëjtën situatë është edhe bashkia e Klosit, Bulqizës, Finiq, Këlcyrë etj. Megjithatë, vlen të theksohet se vota për këshillat bashkiake nuk mund të lexohet si votë politike, pasi shpesh zgjedhësit janë të prirur të votojnë më shumë për lidhjet e afërta dhe njohjet personale me kandidatët, se sa për siglën e partisë, ashtu sikundër ndodh me votën për kryetarin e bashkisë, ku zgjedhësi voton siglën e partisë por edhe kandidatin.

Rezultatet grafike për Këshilltarët e Bashkive