Tag: policia arrest

Policia e Mirditës në bashkëpunim me Interpol Tirana, kanë arrestuar 29 vjeçarin Sandër Nikolla (Leka) i cili ishte shpallur në kërkim ndërkombëtar.

Ai kërkohej nga policia italiane për shkak se është dënuar me burg nga gjykata e Romës në shkurt të 2019, për vepren penale ” Shkelje e ligjit mbi armët e zjarrit”.

Policia njofton se 29 –vjeçari do të ekstradohet drejt Italisë për të kryer dënimin ku rrezikon të dënohet me 10 vite burg, ndërkohë që vijon puna për kapjen e personave të shpallur në kërkim ndërkombëtar.

Dy persona nga Shkodra janë arrestuar nga policia në një operacion të koduar “Transportuesi” pasi mundësonin kalimin e paligjshëm të emigrantëve nga Pakistani e Maroku drejt Malit të Zi.

Shkodranët mundësonin kalimin e të kufirit në Hanin e Hotit.

Ata u kapën duke transportuar me makinë 4 marokenë drejt Malit të Zi, me destinacion vendet e Bashkimit Evropian. Shofer ishte Prek Rrasa 35 vjeç nga Shkodra, ndërsa në pranga ra edhe 32-vjeçari Tom Kacoli si bashkëpunëtor.

Policia njofton se ka gjetur 8 pakistanezë të fshehur në tregun e këpucëve në qendër të Shkodrës. Ata pranuan se kishin rënë dakord me të arrestuarit që kundrejt vlerës 200 euro, t’i transportonte në Malin e Zi. Në këtë treg punonte i arrestuari, Tom Kacoli. Pikërisht në këtë treg, siç policia njofton, të arrestuari fshihnin emigrantët e paligjshëm dhe më tej i transportonin me grupe drejt Malit të Zi nëpërmjet kufirit të gjelbër.

Gjithashtu hetohen në gjendje të lirë G. L. 49 vjec, banues në lagjen “Vasil Shanto” Shkodër, pronari i tregut, për vepren penale, “Punësim i paligjshëm” dhe A. D. 52 vjeç, banues në fshatin Dobraç Shkodër, i punësuar si rojë i tregut, për veprën penale “Moskallëzim krimi”.

Policia ka vënë në pranga dy banorë të Cakranit në Fier të cilët kërkonin favore seksuale ndërsa kërcënonin vajzën se do t’i publikonin foto në facebook.

Policia ka kapur më flagrancë shtetasit G.M, 44 vjeç, banues në Cakran dhe J.Sh, 46 vjeç, banues në Cakran.

Arrestimi në flagrancë i këtyre shtetasve u bë pasi në bashkëpunim me njëri-tjetrin, dyshohet se kanë shantazhuar  dhe kërcënuar një shtetase,  duke i kërkuar para dhe favore seksuale me qëllim mos publikimin në rrjetet sociale të disa fotove personale të saj.

Dy të arrestuarit akuzohen për veprën penale “Shtrëngimi me anë të kanosjes ose dhunës për dhënien e pasurisë” e kryer në bashkëpunim.

Materialet për veprime të mëtejshme do i kalojnë Prokurorisë pranë Gjykatës së Shkallës së Parë për Krimet e Rënda Tiranë.