Rama prezanton projektin: Rehabilitohen 6 qendra shëndetësore në Lezhë

Kryeministri Rama e ka nisur javën me lajme të mira e projekte të rëndësishme. Mëngjesin e të hënës, Rama ka prezantuar projektin e ri të rehabilitimit të disa qendrave shëndetësore në qarkun e Lezhës. Ky projekt është pjesë e Programit të Rehabilitimit të Rilindjes të 300 qendrave shëndetësore në vend.

Rehabilitimi i këtyre qendrave shëndetësore do të lehtësoj shumë qytetarët, të cilët tashmë do të kenë kushte dhe standarde europiane dhe se nuk do t’u duhet më të udhëtojnë me orë të tera për t’u vizituar tek mjeku.

“MIRËMËNGJES dhe me kantieret e qarkut Lezhë, në kuadër të Programit Kombëtar të Rilindjes së 300 Qendrave Shëndetësore, ju uroj një javë të mbarë”- shkruan Rama në Facebook duke e shoqëruar shkrimin me një video ku duken qendrat me të cilat po punohet, konkretisht në fshatrat Gjadër, Fishtë, Gorre, Fushë-Lumth, Rreja e Velës dhe Skuraj.

MIRËMËNGJES 😃dhe me kantieret e qarkut Lezhë, në kuadër të Programit Kombëtar të Rilindjes së 300 Qendrave Shëndetësore, ju uroj një javë të mbarë😊
Gepostet von Edi Rama am Sonntag, 25. August 2019

Thethi turistik, zbulohet projekti i transformimit të tij

Pas prezantimit të projektit për transformimin e Shirokës, edhe zona e Thethit do i nënshtrohet këtij ndryshimi duke e bërë atë edhe më të lehtë për ta vizituar dhe jetësën e banorëve të zonës. Kryeministri Rama ka prezantuar projektin që do të transformojë rrugën e Thethit, një ndryshim i shumëpritur nga banorët dhe vetë turistët shqiptarë dhe të huaj që e vizitojnë dhe shijojnë magjinë e kësaj zone turistike.

Me një postim në Facebook, kryeministri Rama ka lajmëruar se puna nis javën e ardhshme dhe shton se ky transformim do të jetë në funksion të zhvillimit të integruar të Qarkut Shkodër.

‘Javën e ardhshme…nis rindërtimi i Rrugës së Thethit, një transformim i shumëpritur nga banorët e zonës së magjishme turistike dhe në funksion të zhvillimit të integruar të qarkut të Shkodrës”- shkruan Rama në facebook

JAVEN E ARDHSHME… nis rindërtimi i Rrugës së Thethit, një transformim i shumëpritur nga banorët e zonës së magjishme turistike dhe në funksion të zhvillimit të integruar të qarkut të Shkodrës🌲#ShqipëriaqëDuam☀️🇦🇱
Gepostet von Edi Rama am Donnerstag, 22. August 2019

Projekti i Bulevardit “Zogu i Parë”, si do të ndryshojë zona për banorët

Me marrjen e mandatit të dytë në krye të Bashkisë Tiranë, Erion Veliaj duket se nuk ka kohë për të humbur e aq më pak për pushime, por i është futur punës për rehabilitimin e Bulevardit “Zogu i parë”.

Bulevardi “Zogu i Parë’ do të përfshihet në një proces transformimi dhe rehabilitimi me gjelbërim, stola, shatërvanë, fasadat me dekorime, vendqëndrime biçikletash, do të ngrihet një infrastrukturë e re e nëndheshme (ujërat e zeza, ujërat e bardha, rrjeti elektrik), vende parkimi dhe trotuare etj. Puna tashmë ka nisur dhe kjo ka bërë edhe devijimin e trafikut të automjeteve në rrugët “Urani Pano”, “Asim Vokshi”, “Dervish Hatixhe”, “Ferit Stermasi” dhe “Maliq Muço” që do të jenë të kufizuara për qarkullimin e tyre.

Me një postim në Facebook, kryebashkiaku Erion Veliaj ka publikuar fotot e projektit, duke treguar se si do të rehabilitohet bulevardi, ndërsa u kërkon qytetarëve mirëkuptim për qarkullimin e automjeteve.

“E gjithë zona do të ketë jo vetëm një pamje të re, por edhe: një impuls ekonomik; fasada të rehabilituara; lulishte të vogla” – shkruan Veliaj