Tag: Prrenjas

Përplasen dy makina në Librazhd, tre të plagosur

Mbrëmjen e të dielës, ndodhi një tjetër aksident në aksin rrugor Librazhd-Prrenjas, ku si pasojë mbetën të plagosur tre persona, raporton Balkanweb. Pas aksidentit të mëngjesit të së dielës në këtë aks rrugor ku u plagosën rëndë katër persona, pasdite dy mjete janë përplasur mes tyre.

Për pasojë mbetën të plagosur tre persona, të cilët janë në gjendje të rëndë shëndetësore dhe ndodhen në spitalin e Elbasanit. Paraprakisht dyshohet se shkak i aksidentit është bërë një parakalim i gabuar. Në vendin e ngjarjes shkoi policia dhe grupi hetimor, për të bërë zbardhjen e shkaqeve të aksidentit.

Ndërkohë, paradite, një mjet doli nga rruga dhe ra në përrua në aksin rrugor Librazhd-Prrenjas. Për pasojë mbetën të plagosur katër persona, ndërsa një prej tyre pasditen e të dielës u dërguar në Tiranë për mjekim të specializuar pasi ishte në gjendje më të rëndë.

I bllokuan rrugën Ramës, mbetet në burg kreu i PD Librazhd, lirohet ish-deputeti

Pasditen e të dielës në Gjykata e Elbasanit ka dhënë masën e sigurisë për 7 drejtues të Partisë Demokratike në Elbasan, Librazhd dhe Prrenjas, të cilët penguan eskortën e Kryeministrit Edi Rama gjatë mbajtjes së takimeve elektorale në këto qytete tre ditë më parë. Kështu, Gjykata e Elbasanit ka lënë në burg 4 nga 7 të arrestuarit, ndonëse Prokuroria kishte kërkuar burg për 5 prej tyre.

Në burg ka mbetur kryetari i Degës së PD-së në Librazhd,  Bujar Vreto; kreu PD-së në Prrenjas, Arjan Kariqin si dhe dy prej mbështetësve të PD-së, Bujar Kojku, 54 vjeç, nga Librazhdi dhe  Dashamir Boja, 47 vjeç, nga Shtërmeni, Cërrik.

Ndërkohë, për ish-deputetin e PD-së, Aurel Bylykbashi është dhënë masa e sigurisë “detyrim paraqitje”. Po me këtë masë, janë lënë të lirë edhe disa drejtues të tjerë të PD-së. Konkretisht detyrim paraqitje nga gjykata e Elbasanit është vendosur edhe për sekretarin e PD-së në Librazhd, Erlind Gurra dhe për sekretarin e PD-së në Prrenjas, Leonard Ozuni.

Skip to toolbar