Policia e Shkodrës ka nisur procedimin penal ndaj
3 personave për prerje të paligjshme të pyjeve dhe inspektorit të pyjeve që
mbulonte monitorimin e zonës ku u konstatua shkelja dhe prerjet e paligjshme të
pemëve. Janë proceduar penalisht për veprat penale ”Fshehja e të ardhurave” dhe
”Prerja e paligjshme e pyjeve”, shtetasit A.N., A.C. dhe R.K., pasi u kapën në
flagrancë gjatë operacionit në bjeshkët e Domnit duke transportuar me kamionët
e tyre në drejtim të Shkodrës lëndën drusore, për të cilën nuk dispononin
dokumentacion përkatës. Gjithashtu, u procedua penalisht për veprën penale
“Shpërdorimi i detyrës”, shtetasi Z.GJ., me detyrë inspektor i pyjeve, pasi nuk
ka ushtruar kontroll në zonën që mbulon.
Policia gjithashtu sekuestroi edhe 30 m³ lëndë drusore e prerë në mënyrë të paligjshme. Të gjitha këto veprime u morën në kuadër të operacionit të koduar “Maranaj” për parandalimin e prerjes së paligjshme të pyjeve.
ShkodërVijon operacioni kundër krimeve mjedisore Finalizohet operacioni "Maranaj", për parandalimin e prerjes së paligjshme të pyjeve.Operacioni nga Sektori për Hetimin e Krimit Ekonomik e Financiar në DVP Shkodër, në bashkëpunim me Komisariatin e Policisë Shkodër. Sekuestrohen 30 m³ lëndë drusore e prerë në mënyrë të paligjshme.Procedohen 3 shtetas për prerje të paligjshme të pyjeve.Procedohet penalisht edhe një insektor i pyjeve që mbulon zonën ku u evidentuan rastet e prerjes së paligjshme të pyjeve.Sektori për Hetimin e Krimit Ekonomik e Financiar në bashkëpunim me shërbimet e Komisariatit të Policisë së Shkodrës, në zbatim të planit të posaçëm në shkallë vendi, kundër informalitetit dhe krimeve mjedisore, ka organizuar operacionin "Maranaj", që është ende në vijim.Deri tani, nga shërbimet e Policisë është bërë sekuestrimi i rreth 30 m³ lëndë drusore e prerë në mënyrë të paligjshme, që transportohej me kamionë në drejtim të Shkodrës.Janë proceduar penalisht për veprat penale ”Fshehja e të ardhurave” dhe ”Prerja e paligjshme e pyjeve”, shtetasit A.N., A.C. dhe R.K., pasi u kapën në flagrancë gjatë operacionit në bjeshkët e Domnit të Njësisë Administrative Postrribë duke transportuar me kamionët e tyre në drejtim të Shkodrës lëndën drusore, për të cilën nuk dispononin dokumentacion përkatës. Gjithashtu, u procedua penalisht për veprën penale "Shpërdorimi i detyrës", shtetasi Z.GJ., me detyrë inspektor i pyjeve, pasi nuk ka ushtruar kontroll në zonën që mbulon.Policia e Shtetit fton qytetarët të denoncojnë çdo rast paligjshmërie në numrin pa pagesë 112, në Komisariatin Dixhital duke u garantuar anonimatin dhe një reagim të shpejtë e të paanshëm.
