Policia e Tiranës ka goditur një rast të evazionit fiskal në mashtrimin me biletat në transportin publik. Gjatë këtij aksioni policia ka arrestuar 8 persona punonjës të kompanive të transportit publik në Tiranë ku mes tyre janë edhe tre bashkëpronar të këtyre linjave të transportit të Unazës. Arrestimet janë kryer gjatë operacionit të koduar “Bileta e falsifikuar”, ku janë sekuestruar edhe 150 mijë bileta të falsifikuara, që kapin një vlerë prej 6 milionë lekësh në dëm të shtetit .
Pas një hetimi një mujor, policia zbuloi skemën e mashtrimit duke çuar në arrestimin e Ferdinand Ibrahimi, 60 vjeç, me detyrë administrator dhe ortak i shoqërisë së transportit të Unazës, dhe djali i tij Anastas Ibrahimi, 20 vjeç, të cilit iu gjetën të fshehura provat materiale, në tentativë për t’i asgjësuar, Fatos Vrapi , 60 vjeç, banues në Tiranë, me detyrë administrator dhe ortak i një shoqërie transporti dhe bashkëshortja e tij Albana Vrapi, 51 vjeçe, banuese në Tiranë, administratore dhe ortake (të dy janë bashkëpronar të linjave të Tiranës së Re, Tufinës dhe Shkozës); Evisa Vora, 33 vjeçe, banuese në Tiranë (ka në pronësi linjën e Porcelanit), me detyrë administratore; Lulëzim Allaraj, 47 vjeç, banues në Tiranë, me detyrë dispeçer i një linje autobusësh; Aldi Duka, 39 vjeç, banues në Tiranë, me detyre dispeçer i një linje autobusësh; Klodian Qato, 42 vjeçe, banuese në Tiranë, me detyrë ekonomist në një shoqëri autobusësh.
Arrestimi i këtyre shtetasve u bë pasi
dyshohet se duke bashkëpunuar me njëri -tjetrin kanë falsifikuar bileta të
transportit urban në kohë dhe periudha të ndryshme, me qëllim shmangien e
detyrimeve tatimore dhe përfitim financiar të disa shoqërive operatore në transportin
urban në qarkun Tiranë.
Këta shtetas përdornin bileta urbani të
falsifikuara dhe jo të prodhuar në Shtypshkronjën e Letrave me Vlerë, të cilat
i kishin hedhur në qarkullim duke përfituar shuma të konsiderueshme monetare.
Nëpërmjet këtyre veprimeve i kanë shkaktuar shtetit një dëm të madh ekonomik, i
cili do të përllogaritet në vazhdimësi nga strukturat e Drejtorisë së Përgjithshme
të Tatimeve.
Gjatë kryerjes së veprimeve procedurale, janë
sekuestruar në cilësinë e provave materiale 150 000 bileta urbani të
falsifikuara, vënia në përdorim e të cilave kap vlerën 6 000 000 lekë të reja.
Gjithashtu u sekuestruan në cilësinë e provës
materiale: një automjet i markës “Masserati”, 4 aparate celulare, në posedim
nga personat nën hetim, kartela të ndryshme financiare të plotësuara me shkrim
dore, 5 libra arkash, 62 blloqe mandatesh arkëtimi, 350 kopje mandatesh
arkëtimi , si dhe dokumente të tjera me shënime të ndryshme.
Materialet procedurale u dërguan në Prokurorinë pranë Gjykatës së Shkallës së Parë Tiranë, në ngarkim të shtetasve të sipërpërmendur, për veprat penale “Fshehja e të ardhurave”, “Falsifikimi i letrave me vlerë” dhe “Mospagimi i taksave dhe tatimeve”.
TiranëVijon operacioni masiv kundër informalitetitFinalizohet operacioni policor "Bileta e falsifikuar".Operacioni nga Sektori për Hetimin e Krimit Ekonomik e Financiar në Drejtorinë Vendore të Policisë Tiranë në bashkëpunim me Prokurorinë e Tiranës dhe Drejtorinë e Hetimit Tatimor.Vihen në pranga 8 persona.Sekuestrohen 150 000 bileta të falsifikuara.Në kuadër të Planit të Masave “Mbi informalitetin në turizëm, ndërtim, hidrokarbure, trajtimi i mallrave me akcizë dhe evazionin fiskal”, Sektori për Hetimin e Krimit Ekonomik e Financiar në Drejtorinë Vendore të Policisë Tiranë, në bashkëpunim me Prokurorinë pranë Gjykatës së Shkallës së Parë Tiranë dhe Drejtorinë e Hetimit Tatimor, pas një hetimi njëmujor me metoda speciale të hetimit, për goditjen e evazionit fiskal dhe informalitetit, finalizoi operacioni policor “Bileta e falsifikuar”, duke bërë arrestimin në flagrancë të shtetasve: F. I., 60 vjeç, banues në Tiranë, me detyrë administrator dhe ortak i një shoqërie transporti;F. V., 60 vjeç, banues në Tiranë, me detyrë administrator dhe ortak i një shoqërie transporti;A. V., 51 vjeçe, banuese në Tiranë, me funksion administratore dhe ortake e një shoqërie transporti;E. V., 33 vjeçe, banuese në Tiranë, me detyrë administratore e një shoqërie transporti;L. A., 47 vjeç, banues në Tiranë, me detyrë dispeçer i një linje autobuzash;A. D., 39 vjeç, banues në Tiranë, me detyre dispeçer i një linje autobuzash;K. Q, 42 vjeçe, banuese në Tiranë, me detyrë ekonomiste në një shoqëri autobusash; A. I., 20 vjeç, banues në Tiranë, të cilit iu gjetën të fshehura provat materiale, në tentativë për t’i asgjësuar. Arrestimi i këtyre shtetasve u bë pasi dyshohet se duke bashkëpunuar me njëri -tjetrin kanë falsifikuar bileta të transportit urban në kohë dhe periudha të ndryshme, me qëllim shmangien e detyrimeve tatimore dhe përfitim financiar të disa shoqërive operatore në trasportin urban në qarkun Tiranë.Këta shtetas përdornin bileta urbani të falsifikuara dhe jo të prodhura në Shtypshkronjën e Letrave me Vlerë, të cilat i kishin hedhur në qarkullim duke përfituar shuma të konsiderueshme monetare. Nëpërmjet këtyre veprimeve i kanë shkaktuar shtetit një dëm të madh ekonomik, i cili do të përllogaritet në vazhdimësi nga strukturat e Drejtorisë së Përgjithshme të Tatimeve.Gjatë kryerjes së veprimeve procedurale, janë sekuestruar në cilësinë e provave materiale 150 000 bileta urbani të falsifikuara, vënia në përdorim e të cilave kap vlerën 6 000 000 lekë të reja. Gjithashtu u sekuetruan në cilesinë e provës materiale: një automjet i markës “Masserati”, 4 aparate celulare, në posedim nga personat nën hetim, kartela të ndyshme financiare të plotësuara me shkrim dore, 5 libra arkash, 62 blloqe mandatesh arkëtimi, 350 kopje mandatesh arkëtimi , si dhe dokumente të tjera me shënime të ndyshme. Nën drejtimin e Prokurorisë së Rrethit Gjyqësor Tiranë dhe në bashkëpunim me Drejtorinë e Hetimit Tatimor vijojnë hetimet me intesitet për identifikimin e personave të tjerë të përfshirë në këtë veprimtari kriminale. Materialet procedurale u dërguan në Prokurorinë pranë Gjykatës së Shkallës së Parë Tiranë, në ngarkim të shtetasve të sipërpërmendur, për veprat penale “Fshehja e të ardhurave”, “Falsifikimi i letrave me vlerë” dhe “Mospagimi i taksave dhe tatimeve”.
Zbulimi i skemës së mashtrimit me kreditë, ku u vodhën 3.7 milionë euro, i përkasin një filiali të ‘Fondit Besa” ku disa persona, me në krye drejtoreshën e filialit, kanë përfituar shuma të mëdha valute me interes nga persona të ndryshëm që merrni kredi fiktive.
Denoncimi për vjedhjen e parave dhe dëmtimin e biznesit është bërë nga vetë drejtuesit e “Fondit Besa” dhe pas një hetimi një-javor nga Antikrimi Ekonomik është bërë e mundur zbulimi i skemës së mashtrimit.
“Truri” i të gjithë kësaj skeme mashtrimi
ishte shtetasja Albana Imami, drejtoresha e degës së filialit të “Fondit Besa”.
Sipas hetimeve rezulton se vetë Imiami ka përfituar shuma të mëdha valute me
interes nga persona të ndryshëm për të mbuluar këtë skemë mashtrimi, që kapin
vlerën deri në 1,7 milionë euro. Imami miratonte lëshimin e kredive fiktive për
klientë që nuk paraqiteshin fare pranë zyrave të fondacionit në momentin e
aplikimit, por vetëm në momentin e tërheqjes së saj. Nga tërheqja ato merrnin
vetëm 25-35 % të shumës, ndërsa pjesa tjetër përfitohej nga drejtoresha Albana
Imami dhe oficerët e kredisë e sekserët.
Shuma e kredive që janë dhëne nga ky staf,
deri tani ka shkuar në vlerën e 2 milionë eurove, por vijon ende të rritet me
zbulimin e rasteve të reja.
Një ditë më parë, të mërkurën, policia vuri në
pranga 7 persona dhe shpalli në kërkim një tjetër person që luante rolin e
sekserit. Të arrestuar janë konkretisht:
-Albana Imami, 48 vjeçe, drejtoreshë në një
nga degët e filialit të fondacionit;
-Blertina Kanani, 41 vjeçe, oficere kredie;
-Matilda Domi, 27 vjeçe, oficere kredie;
-Mihal Hanxhari, 41 vjeç, ish oficer kredie;
-Esmeralda Vaso, 38 vjeçe, oficere kredie;
-Orkida Driza, 41 vjeçe, me rolin
ndërmjetësuese për gjetjen e personave për kredi fiktive;
-A. A., 32 vjeç, me rolin ndërmjetësues për
gjetjen e personave për kredi fiktive.
Policia njofton se vazhdojnë hetimet intensive për evidentimin e përmasave të kësaj skeme mashtrimi dhe përftimit nëpërmjet këtyre kredive fiktive.
