“Strakosha do të ndihmonte Tottenham të luftonte për titullin”
Thomas Strakosha është lidhur javët e fundi me një interes të klubit anglez të Tottenham. Portieri i kombëtares shqiptare, që aktualisht aktivizohet te Lazio në Serinë A, mund të jetë një nga transferimet e verës për klubin e Premier League. Pak ditë më parë, mediat italiane dhe ato britanike, shkruanin rreth interesit të Tottenham për portierin shqiptar të Lazios. Kushtu, skuadra nga veriu i Londrës, mund të ofronte deri në 33 milion euro për Thomas Strakoshën.
Ndonëse zyrtarisht është ende herët për të pasur një version nga palët, mediat vijojnë të reklamojnë këtë transferim. Në një analizë të sajtit “Soccer Souls”, e shtyn skaudrën e Tottenham drejt blerjes së portierit shqiptar. Në shkrim renditen disa fakte, mes të cilëve është mosha e portierit aktual të skuadrës angleze, Hugo Lloris, i cili është 32 vjeç dhe pranë përfundimit të karrierës. “Pochettino duhet të bëjë një lëvizje për Thomas Strakoshën”, shkruan fillimisht “Soccer Souls”, ndërsa vijon duke bërë një analizë të paraqitjes së portierit shqiptar këtë sezon me Lazion.
“24 vjeçari ka qenë i shkëlqyer për klubin e Lazios, duke ardhur nga rradhët e të rinjve. Ai ka qenë i patëmetë për Lazion, duke luajtur çdo ndeshje të këtij sezoni, ndërsa ka qenë pushim në vetëm katër takime të Ligës së Europës. Atalanta, Roma, Sampdoria dhe Torino janë të gjithë në garë për një vend në kupat e Europës, me vetëm tre pikë diferencë që ndajnë Torinon dhe Lazion. Thomas Strakosha ka qenë pjesë kyçe e kësaj beteje dhe si rezultat, nuk është befasi që Tottenham të jetë pas tij”-shkruan “Soccer Souls”.
Më tej, në artikull i kushtohet vëmendje pikërisht gjendjes së portierit aktual të Tottenham, kampionit të Botës me Francën, Hungo Lloris. “Skuadra nga veriu i Londrës, është larguar nga lufta për titull në ndeshjet e fundit, pas humbjeve me Southampton, Liverpool, Chelsea dhe Burnley, duke bërë kështu që Tottenham të braktisë ndjekjen e Liverpool dhe City.
Rekordi i mbrojtjes ka qenë i tmerrshëm këtë sezon dhe ndeshja ndaj Liverpool e tregoi këtë. Rënia e Lloris ka qenë e ndjeshme këtë sezon. Tottenham ka nevojë për një portier të ri dhe nëse vjen dikush i talentuar si Thomas Strakosha, patjetër që do rriten shanset e tyre”-shkruan ndër të tjera “Soccer Souls”.