“Plumb në shpatull”, vëllai i Reçit tregon detajet e vrasjes

I vëllai i Kastriot Reçit, 47-vjeçarit të vrarë të martën në Mirditë në atentat, tregon detaje nga ngjarja e rëndë. Sipas një deklarate që transmeton Balkanëeb, i vëllai i Kastriot Reçit rrëfen se ishte së bashku me të në momentin që ai u qëllua me snajper. Sipas rrëfimit të vëllait të viktimës, ata të dy sapo kishin zbritur nga makina dhe do futeshin në një lokal. Por ata ishin ndarë vetëm disa sekonda para se 47-vjeçarit ti merrnin jetën.

“Ne sapo kishim parkuar makinën dhe u nisëm drejt lokali ‘Mirdita’. Kastrioti po fliste në telefon dhe unë vazhdova më para dhe u futa në lokal. Akoma nuk isha ulur në karrige kur dëgjova njerëz tek bërtisnin dhe grumbulloheshin. Dola menjëherë i habitur pasi as krisma nuk dëgjova, dhe pashe vëllain të shtrirë përmbys.

Nuk kishte shumë gjak në rrugë dhe menjëherë e dërguam tek spitali. Kur e zhveshëm në spital, pamë që ai kishte marrë një plumb mes dy shpatullave dhe kishte ndërruar jetë menjëherë”, ka rrëfyer për të afërmit vëllai i viktimës. Ceremonia e varrimit e 47-vjecarit do bëhet sot në orën 14:00. Brenda dy vitesh, 2 nga 7 vëllezërit Reçi janë vrarë në atentate.

Vëllai i lideri komunist Kim Jong Un ishte spiun i CIA-s

Kim Jong Nam, vëllai i liderit të Koresë së Veriut, ka punuar për CIA-n citon The Wall Street Journal. Sipas një burimi “Kim Jong Nam, i cili jetonte në territorin gjysmë autonome të Kinës në Makau, në vitet para vdekjes së tij, ishte takuar disa herë me operativë të CIA-s”.

Lideri i Koresë së Veriut “do të kishte konsideruar Kim Jong Nam duke u folur spiunëve amerikanë një akt të pabesë” thotë burimi, i cili shton se “Kim Jong Nam i dha informacion CIA-s duke takuar punonjësit e tij në Singapor dhe Malajzi”.

Në shkurt 2017, Kim Jong Nam u sulmua nga dy gra me urdhër të Phenianit në një aeroport në kryeqytetin malajzian, Kuala Lumpur, ku gjeti vdekjen si pasojë e një gazi helmues nervor.

Vrasja e Admir Muratajt, flet vëllai: Ishte vegël

Vëllai i Admir Muratajt, i vrarë dje gjatë grabitjes së parave në Rinas, ka thënë sot për median si ai nuk ishte organizator i grabitjes, por vetëm një vegël.

Cen Murataj ka sqaruar për gazetarët se kishte 2 vite pa komunikuar me të vëllanë, por garanton se shteti dhe familjarët do t’i gjejnë personat që lanë në rrugë Admirin.

“Ishte në kërkim vëllai, prej dy vitesh nuk kam komunikuar me të. Policia ka ardhur ka ushtruar kontrolle në shtëpi. Ne nuk e dimë kush e ka vrarë, nuk i njohim shokët, por do t’i shohim kush janë shokët, ata që e kanë lënë në rrugë ose do t’i gjejmë neve ose do t’i gjejë policia”, tha Murataj.

Sa për faktin që ai mund të ishte organizatori apo truri i bandës, vëllai nuk e pranon, por hedh dyshime: “Besoj që janë përdorur si vegla. Do ta gjejmë fillin më vonë. Si ka mundësi që organizatori ngelet i vrarë dhe të tjerët ikin. Do ta gjejmë, do shohim”,- thotë ai.