Ukraina nuk gjen qetësi nga sulmet ruse, ku sipas raportimeve të autoriteteve bëhet me dije se forcat ruse kanë sulmuar gjatë natës me 72 dronë. Nga të dhënat, është konfirmuar se janë shkatërruar 33 prej tyre, ndërsa 34 të tjerë u zhdukën nga radarët pa arritur objektivat e tyre.
Pesë dronë goditën disa ndërtesa në rajonin verior të Çernihivit, duke plagosur një person, thanë forca ajrore. Një dron i shkatërruar ra mbi një ndërtesë në kryeqytetin Kiev, por nuk shkaktoi viktima. Pamjet e xhiruara nga Reuters kapën tingullin e një shpërthimi dhe treguan një zjarr që digjej në distancë në Kiev gjatë sulmit të natës. / abcnews.al