Ministri i Drejtësisë, Ulsi Manja deklaroi se Qeveria miratoi sot disa ndryshime në ligjin për noterinë. Sipas Manjës, ku projektligj ka si synim forcimin e integritetit të noterëve por edhe rritjen e besueshmërisë së tyre te publiku.
Sipas tij, përzgjedhja e noterëve të rinj do të ketë kritere shtesë, ndërsa shtoi se ky proces do të jetë një lloj vettingu edhe për noterët e vjetër.
“Sapo kaluam në qeveri disa shtesa dhe ndryshime ligjin për noterinë. Ky pr.ligj ka për qëllim forcimin e integritetit të noterit dhe besueshmërinë e publikut te ky shërbim. Parmes këtyre ndryshimeve përcaktohen kritere të reja në futjen në profesionin e noterit dhe futja e kritereve të reja. Ndryshimet sot vijnë si përmbushje e të dhëna nga partnerët tanë. Në kriteret e reja që përcakton ligji, pjesë e Noterisë s’do të jenë as ata noterë që janë në profesion, që janë në listën e personave që ushtrojnë kundër ligjit. Pr.ligji i ri përcakton të njëjtën procedurë dhe të njëjtën kritere për heqje licencë të njëjtat si për prokurorë dhe gjyqtarë. Ky ligji forcon integritetin e noterit.”, tha Manja.
Pyetjes së gazetarit të ‘News24’ Ergys Gjencaj se; A mund të jetë e nevojshëm proces vettingu për noterët aktualë?
Manja: Ndryshimet që propozohen sot jo vetëm që përcaktojnë kritere të të reja, por as më shumë dhe as më pak është proces vettingu për noterët që janë në shërbim aktualisht, ata që janë në lidhje me persona të inkriminuar apo që janë pjesë e listës së shpallur…
Pyetje: Kush do e bëjë vettingun?
Manja: Ligji për noterinë ka përcaktuar dhe mekanizmat e shërbimit, përmes inspektimeve të planifikuara. Përgjegjëse është Ministria e Drejtësisë. S’ka mbivendosje me bashkëqeverisjen, por do të jetë një nga burimet për strukturën antikorrupsion.