Një aksident ka ndodhur mesditën e sotme në Vlorë, pasojë e të cilit ka humbur jetën një e mitur.
Sipas informacioneve zyrtare, ngjarja ka ndodhur në aksin rrugor Vlorë-Peshkëpi, ku mjeti me drejtues shtetasin E. Sh., ka aksidentuar shtetasen e mitur me iniciale A. C., 7 vjeçe, e cila për pasojë ka ndërruar jetë.
Drejtuesi i mjetit është shoqëruar në Komisariatin e Policisë Vlorë, për veprime të mëtejshme. Në vendngjarje ndodhet grupi hetimor dhe po punon për zbardhjen e plotë të rrethanave të aksidentit.