Pas numërimit të votave të emigrantëve në Kosovë, rezultati nuk ka pasur asnjë ndryshim, veç faktit se Vetëvendosja ka thelluar rezultatin.
Qendra për Numërim e Rezultate deklaroi se ka përfunduar numërimin e të gjitha votave që kanë ardhur me postë nga jashtë Kosovës. Zëdhënësi i KQZ, Valmir Elezi, ka thënë se numri zyrtar i votave të vlefshme nga diaspora është 13 mijë e 241, ndërsa pjesa tjetër kanë qenë vota të pavlefshme. Nga 13241 vota giithsej të të verifikuara dhe numëruara, VV ka marrë 7030, LDK 2158, PDK 2139, Nisma-AKR-PD 916, ndërsa AAK-PSD ka marrë 555 vota nga diaspora.
Pas numërimit të votave të ardhura nga jashtë, VV-ja thellon diferencën nga LDK-ja, ndërsa e Nisma mbetet në kufi të pragut elektoral. Ndërkohë raportohet se Lëvizja Vetëvendosje ka rritur epërsinë ndaj LDK-së me 10 mijë vota nga 5 mijë sa ishte para numërimit të votave. Ndërsa koalicioni Nisma-AKR-PD ka 4.99% të votave.