Policia italiane ka shkatërruar një bandë me 7 persona, mes të cilëve 4 shqiptarë dhe 3 italianë, të cilët akuzohen si grup kriminal që trafikonte kokainë.
Sipas mediave italiane, në pranga kanë rënë Bledar Shtembari, Armand Cuni, Angelica Cazzato, Rudenc Medolli, Domenico Pennacchietti, Massimiliano Petrucci dhe Erjon Çollaku.
Hetimet e kryera nga ana e karabinierëve në Viterbo datojnë në shtator të vitit 2015, kur një person nga Maqedonia Veriore kishte denoncuar në polici se kishte qenë viktimë e një rrahjeje të dhunshme.
Më pas, policia italiane ka nisur hetimet ndaj shqiptarëve që kishin dhunuar maqedonasin dhe pas disa muajsh hetime kanë bërë të mundur arrestimin e 7 pjesëtarëve të grupit kriminal.
Kriminelët importuan kokainë nga Belgjika për ta dërguar atë në Viterbo dhe në disa zona si Canepina dhe Vignanello.
Por kush janë shqiptarët e arrestuar në operacion?
Bledar Shtëmbari, i njohur si Bledi 44 vjeç rezulton se ka qenë ndër personat që drejtonin bandën. Shtëmbari kishte trafikuar drogë nga Belgjika në Itali.
Armand Çuni një shtetas shqiptar 44 vjeç një shtetas i parregullt në territorin kombëtar, u mor në paraburgim. Ai në organizatë kishte rolin e pjesëmarrësit, që merrej me shitje me pagesë.
Si dhe i treti që është 37-vjeçari shqiptar, Erjon Çollaku: ai ishte i vendosur në Spanjë dhe në atë gjykatësi hetues i Romës lëshoi një urdhër arresti.
Akuzat me të cilat përballen të arrestuarit janë prodhimi, trafikimi dhe posedimi i drogës; krijimi i një grupi me synim të trafikut të lëndëve narkotike, rrëmbim për të marrë para, plagosje e rëndë si dhe mbajtje pa leje e armëve.