Ministri i Deleguar për Çështjet Europiane i Rumanisë, George Ciamba ka folur në konferencë për shtyp me Komisionerin për Zgjerim të Bashkimit Europian, Johanes Hahn. Gjatë fjalës së tij, ministri rumun përsëriti faktin se Gjermania kërkon më shumë kohë për tu njohur me Progres Raportin e Komisionit Europian, në lidhje me hapjen e negociatave me Shqipërinë dhe Maqedoninë e Veriut. Ciamba u shpreh se politika më e mirë e Europës është zgjerimi dhe duhet të vijohet me të.
“Jemi të vetëdijshëm për rezultatet e Shqipërinë dhe Maqedoninë e Veriut. Presim vendimin e Bundestagut. Ata kërkojnë më shumë kohë për tu njohur me Progres-Raportin. Janë zhvilluar takime informale me të gjitha vendet që janë kandidate dhe që nuk janë anëtare të BE”.
“Gjermania ka kërkuar më shumë kohë për shkak të ngërçit në Bundestag. Politika më e mirë e Europës është zgjerimi dhe ne do të vijojmë me të. Është një rol global që vetë Europa duhet të luajë. Vendet kandidate duhet të provojnë stabilitetin brenda tyre për të çelur negociatat”, tha Cambia.