Fituesi i Çmimit Nobel në fizikë, 83-vjeçari David Gross u shpreh në intervistë se gjatë 25 viteve të fundit, kishte ardhur në Kinë të paktën një herë në vit. Një nga mesazhet e tij është rëndësia e shkencës bazë. Sipas tij, shkencëtarët e kuptojnë se vetëm duke bërë përparim në kuptimin e parimeve natyrore dhe zbulimin e fenomeneve më të fundit mund të shfaqen shkenca të vërteta novatore të aplikuara dhe teknologji të reja, shkruan CMG.
David Gross theksoi rëndësinë e shkencave bazë në të menduarit e tij strategjik që para një dekade. Ai vlerësoi lart rolin e Kinës në fushën e shkencave bazë.
David Gross tregon se sa herë që vjen në Kinë, habitet nga ndryshimet fizike në ndërtesat dhe infrastrukturën e madhe si dhe nga zhvillimi gjigand në fushën e shkencës, përhapja e arsimit universitar dhe numri në rritje të shpejtë i studentëve të rinj të etur për t’u angazhuar në kërkimin shkencor. Tani, Kina ka arritur në një fazë ku mund të krijojë disa nga laboratorët më të rëndësishëm në botë. Në fushën time të kërkimit, Kina ka bërë disa zbulime shumë të rëndësishme, ka radio-teleskopin më të madh në botë, “Syri i Qiellit të Kinës” (FAST) etj., që është shumë mahnitës.
Duke folur për bashkëpunimet ndërkombëtare mbi problemet shkencore, David Gross tha se mosmarrëveshjet mes Kinës dhe ShBA-së janë një problem shumë i vështirë dhe i ndjeshëm dhe kanë shkaktuar ndikime negative për të dyja palët dhe për tërë botën. Sipas Gross, fërkimet dhe konkurrencat politike ndërkombëtare kanë pasur një ndikim jopozitiv për studimet shkencore vitet e fundit.