Ministria e Brendshme ka publikuar emrat e kandidatëve që konkurrojnë për postin e Drejtorit të Përgjithshëm të Policisë së Shtetit. Në vijim të thirrjes për aplikim për pozicionin e Drejtorit të Përgjithshëm të Policisë së Shtetit, aplikimet e përcjella për këtë shpallje, sipas rendit alfabetik janë:
- Adriatik Tafçiu
- Altin Mena
- Ardian Çipa
- Gentjan Shehaj
- Hajrulla Xhivini
- Ibrahim Disha
- Idajet Faskaj
- Ilir Proda
- Lutfi Minxhozi
- Neritan Nallbati
- Pëllumb Seferi
- Rebani Jaupi
- Sami Rasha
- Shemsi Prençi
- Skënder Hita
Kandidatët do të shqyrtohen nga një Komision i Posaçëm, i cili do të kryejë brenda 10 ditëve vlerësimin paraprak me qëllim verifikimin e plotësimit të kushteve ligjore. Më pas, Komisioni harton listën e kandidatëve që plotësojnë kushtet ligjore dhe organizon një seancë dëgjimore me ta.
Anëtarët e Komisionit vlerësojnë të gjithë informacionin e vënë në dispozicion prej kandidatëve, dokumentacionin e mbledhur dhe informacionin e marrë gjatë seancës dëgjimore dhe i dorëzojnë ministrit të Brendshëm renditjen e kandidatëve, së bashku me vlerësimet me shkrim.
Kujtojmë që në krye të policisë së shtetit është komanduar përkohësisht Sokol Bizhga pas dorëheqjes që dha Muhamet Rrumbullaku.