Pak orë pas sulmit me armë zjarri në Teksas, ku kanë humbur jetën të paktën 20 persona, Shtete e Bashkuara të Amerikës janë tronditur përsëri. Në Dejton të Ohios është raportuar një tjetër sulm me armë zjarri, i ndodhur pas mesnate në një lokal, ku mendohet se janë vrarës të paktën 7 persona dhe janë plagosur 24 të tjerë.
Sulmi ka ndodhur rreth orës 01:55 të mëngjesit me orën lokale të Ohajos (rreth orës 08:55 me orën tonë lokale). Policia e Ohios ende nuk dalë me një deklaratë zyrtare për ngjarjen, raportojnë mediat amerikane.
Ndërkohë, vetëm pak orë para këtij sulmi, në Teksas, në qendër tregtare në El Paso, u shënuan të paktën 20 të vdekur dhe mbi 26 të plagosur pas një sulmi me armë zjarri.
Mediat raportojnë se autori i këtij sulmi është një mashkull i bardhë 21-vjeçar. 20 minuta pas sulmit, vrasësi i dyshuar postoi një manifest ku shprehte urrejtjen në internet ndaj komuniteti hispanik, duke akuzuar se “kanë zaptuar SHBA dhe vlerat e njerëzve të bardhë”. “Kjo është gjenerata e fundit e bebeve të bardha” në Amerikë, ka shkruar vrasësi i dyshuar i ngjarjes në El Paso të Teksasit.