Disa javë më parë, Kryeministri Edi Rama denoncoi publikisht lidhjet e prokurorit Arjan Ndoja me krimin e organizuar. Gazetarët, Roland Qafoku, Klodiana Lala dhe Basir Çollaku, deklaruan në “Real Story” të gazetarit Sokol Balla, se Kryeministri Edi Rama nuk duhet të kishte bërë akuza publike. Por, sipas tyre, ai duhet ta kishte denoncuar në prokurori nëse kishte dijeni për lidhjet e Arjan Ndoja me krimin e organizuar. “Deklarta e Kryeministrit ishte jo e pjekur. Ai ka të gjitha mundësitë për ta kanalizuar në rrugë zyrtare. Një mbështetës i Ramës do thotë që i doli fjala”, tha Roland Qafoku.
Ndërkohë, Klodiana Lala u shpreh se Arjan Ndoja, pas ngjarjes së fundit, i bëri vetes “Vettingun”. “Nuk është detyrë e kryeministrit të hedhi akuza për një prokuror. Prokurori e bëri vetë Vettingun e vetë, e bëri me plumb. Kurrësesi nuk mundet që një kryeministër të intimidojë sistemin e drejtësisë. Ne nuk kemi prokuror këtu, se të kishte prokuror i pari që do pyetej do ishte Kryeministri. Vettingu do duhet të ishte bërë me kohë, jo tani”, tha Klodiana Lala.
Për gazetarin Basir Çollaku, deklaratat e kryeministrit dhe të zëvendësit të tij janë të parprecedenta. “Ajo çfarë kanë bërë zëvendës kryeministri dhe kryeministri janë të parecedentë. Kjo makinë na shtyp të gjithëve ne. Kryeministri ka mundësi të informohet, dhe në pasjen në dijeni të kësaj vepre, duhet të shkonte ta denonconte në prokurori. Ka shkuar ai burri i ONM-s ka takuar Arjan Ndoja. Unë e njoh prokurorin, është një nga më të zotët. SHBA na kanë shpallur non grata se është i përfshirë në afera korruptive. Me këtë grup njerëzish janë shumë zytarë të shumë zyrave”, tha Çollaku./Realstory.al/
