Një aksident i rëndë ka ndodhur mesditën e së hënës në aksin Fushë Krujë – Laç, pranë vendit të quajtur Kthesa e Gjelit, si pasojë tre persona kanë mbetur të plagosur rëndë.
Makina me të cilën ata po udhëtonin ka dalë nga rruga dhe është përplasur me një mur anësor.
Të plagosurit janë Hajrie Dika, Festim Dika dhe Klementina Mesi të cilët janë dërguar me urgjencë për në spitalin e traumës në Tiranë. Për shkak të plagëve të rënda që kanë pësuar, gjendja e tyre është kritike.
Shkak për aksidentin dyshohet se ka qenë shpejtësia e madhe me të cilën udhëtonin tre të plagosurit.
Policia ka nisur hetimet për zbardhjen e plotë të shkakut të aksidentit.