Ministri i Jashtëm i Kosovës, Behgjet Pacolli ka dhuruar 1 milionë euro në ndihmë të Shqipërisë për t’i ardhur në ndihmë qeverinë për rindërtimin e zonave të prekura nga tërmeti. Përmes një statusi në facebook, Pacolli shkruan se ai dhe familja e tij janë të tronditur nga situate e krijuar në Shqipëri pas lëkundjeve të forta të tërmetit.
“Unë u trondita kur pashë dëmet në jetën e njeriut dhe në infrastrukturë që tërmeti shkatërrues po lë pas në Shqipëri. Kjo kërkon solidaritet dhe mbështetje për të siguruar që qytetarët e prekur mund të kthehen shpejt në jetën normale.
Kemi vendosur së bashku me familjen time (ne djemtë e Isa dhe Ruhan Pacollit) që të dhurojmë 1 milion Euro për rindërtimin e zonave të prekura nga tërmeti. Ky donacion do të shkojë në funksion të rindërtimit dhe bashkë me Qeverinë e Shqipërisë do të menaxhohet në mënyrë transparente dhe të sigurt.
Kjo është më e pakta që unë dhe familja ime mund të bëjmë për Shqipërinë tonë të dashur. Mbështetja ime për vëllezërit tanë do të jetë e vazhdueshme dhe shpresoj së shpejti ata të kthehen në normalitet.
Unë pres po ashtu që në mënyrë të organizuar të pranoj edhe qindra familje këtu në Prishtinë”, shkruan Pacolli.
