Ajax ka fituar Superkupën e Holandës pasi ka mundur 2-0 PSV-në në finale. Pavarësisht largimit të dy yjeve si Matthijs de Ligt dhe Frenkie de Jong, skuadra e Ten Hag ka pasuruar koleksionin e saj me një trofe tjetër, pas kampionatit dhe Kupës së Holandës të fituar sezonin e kaluar.
Ndeshja e luajtur në “Johan Cruijff Arena” ka nisur me një gol historik të realizuar nga Dolberg 35 sekonda pas fillimit të ndeshjes. Ky ka qenë edhe realizimi më i shpejtë në historinë e këtij kompeticioni. Goli që i ka siguruar fitoren Ajaxit ka ardhur në minutën e 53-të dhe është realizuar nga Blind.