Këshilli i Lartë i Prokurorisë hap garën për drejtuesin e ri të Prokurorisë së Posaçme kundër Korrupsionit dhe Krimit të Organizuar sot më 17 shtator.
Mandati 3-vjeçar i Altin Dumanit në krye të SPAK përfundon në 16 dhjetor 2025, pasi këtë detyrë e mori më 16 dhjetor 2022.
Sipas ligjit, prokurorët e SPAK nuk kanë të drejtë të rizgjidhen në krye të institucionit dy mandate rresht.
Për këtë arsye, në mbledhjen e datës 17 shtator të KLP-së, do të shpallet gara për drejtuesin e ri të SPAK-ut.
Në mbledhjen e Këshillit të Lartë të Prokurorisë do të jenë të pranishëm edhe përfaqësues të Prokurorisë së Përgjithshme, Ministrisë së Drejtësisë, Projektit Eu4Justice dhe Programi OPDAT.
Prokurorët e posaçëm, të cilët synojnë të marrin drejtimin e SPAK, do të duhet që të paraqesin programin e tyre. Pas intervistave publike dhe shqyrtimit të kandidaturave, anëtarët e KLP-së do të votojnë për përzgjedhjen e tij.
Altin Dumani është drejtuesi i dytë i Prokurorisë së Posaçme që prej krijimit të këtij institucioni, duke pasuar Arben Krajën.
Pas largimit nga drejtimi i SPAK, Altin Dumani do të vijojë të jetë prokuror i kësaj strukture.
Mandati i prokurorëve të SPAK është 9-vjeçar.
Njoftimi i KLP:
Informacion mbi mbledhjen:
Dita/Data: E Mërkurë, 17.09.2025
Ora: 10.00
Kohëzgjatja: ⸟ 90 minuta
Thirrur nga: Kryetari i Këshillit
Pjesëmarrësit: Anëtarët
Kuorumi i nevojshëm: 7 anëtarë
Kjo mbledhje do të organizohet në sallën e mbledhjeve në prezencë të Anëtarëve të Këshillit të Lartë të Prokurorisë, si dhe përfaqësuesve nga Prokurori i Përgjithshëm, Ministria e Drejtësisë, Projekti Eu4Justice dhe Programi OPDAT. Media është e ftuar të jetë e pranishme.
Rendi i ditës:
1.Miratimi i Procesverbalit të mbledhjes plenare të datës 04.09.2025;
2.Diskutimi/miratimi i Projekt-vendimit “Për shpalljen e vendit vakant për Drejtues të Prokurorisë së Posaçme kundër Korrupsionit dhe Krimit të Organizuar”;
3.Diskutimi/miratimi i “Projektraportit të Vlerësimit Etik dhe Profesional për prokurorin Françesk Ganaj”;
4.Diskutimi/miratimi i “Projektraportit të Vlerësimit Etik dhe Profesional për prokurorin Ermira Manelli”;
5.Diskutimi/miratimi i “Projektraportittë Vlerësimit Etik dhe Profesional për prokurorinHysni Mulaj”