Author: albi

Kreu i “Zgjidhja”, Koco Kokëdhima, i ftuar në emisionin “Real Story” në News 24, u shpreh se legalizimi i kultivimit të kanabisit medicinal është mëse i nevojshëm në një vend si Shqipëria. Ai madje është i mendimit se duke legalizuar tregun, luftohen edhe trafikantët.

“Këtu po diskutojmë për breza të tërë, për shanse që i mohohen apo i njihen brezave që do vijnëq. Ne të rinjtë e të reja i shkatërrojmë duke i burgosur për hashash. Me qartësi të plotë ne duhet ta ndërtojmë këtë ekonomi, por duhet ta bëjmë të suksesshme, të bëhemi pjesë e ekonomisë europiane të kanabisut edhe të kanabisit kreativ. Ekonomia legale është një nga armët më të mëdha për ekonomitë jolegale. Është një energji e sinqetë për të luftuar ekonominë jolegale. Ky projekt ndikon për mirë, ndikon pozitivisht”,- tha ai.

Kokëdhima tha ndër të tjera se, “Politikat ndaj marijuanës deri më sot i ka diktuar mafia e marijuanës, e cila është e kokolepsur me elitën tonë politike. Në këtë kohë ne duhet të shohim interest afatgjata të popullit shqiptar. Ekonomi legale nuk nënkupton mbjellje massive, por një proces të kontrolluar, 1 kompani e kontrolluar ka projekte 1 mld, që të ftosh kompani të tilla, qeveria duhet të ndajë rrugën me mafien e marijuanës”.

Kryetari i Partisë Zgjidhja, Koço Kokëdhima i ftuar në emisionin ”Real Story” të Sokol Ballës në News24 është dakord me legalizimin e kanabisit për konsum duke theksuar se kjo do i jepte zero shanse mafies për të bërë para me këtë biznes.

Sipas Kokëdhimës nuk duhet më kriminelët e spaçatorët të bëjnë lekë me marijuanë, por qytetarët ta marrin atë në farmaci me kartë identiteti me çmim të kontrolluar që demotivon mafien dhe biznesin kriminal.

”Nuk kam pirë asnjëherë. Jam pro përdorimit të kanabisit edhe për qëllime kreative. Në kushtet tona është shumë pozitive. Nga aspekti ekonomik padiskutim. Ne duhet ta zerojmë atë që mafia e marijuanës të bëjë para këtu. Mos lejojmë furnizimin nga drogmenët dhe spaçatorët.
Vendet e tjera po ecin dhe ne i themi, shiko, nuk do ju dënojmë, ju mund ta pini dhe nga ana tjetër shkoni furnizohuni nga kriminelët. Por ndërkohë shko merre në farmaci, me çmim të kontrolluar, që të demotivojë gjithë këtë strukturë kriminale të ndërtuar.
Nuk mjafton vetëm të kesh një vendimmarrje të drejtë dhe hajd ta bësh, por puna është si ta bësh.”- tha Kokëdhima.

Kryetari i Partisë ZGJIDHJA Koco Kokëdhima dhe analistët Fatos Lubonja e Arjan Vasjari kanë zhvilluar një debat në studion e emisionit “Real Story” në “News 24” në lidhje me nismën e qeverisë për legalizimin e kanabisit farmaceutik.

Kokëdhima tha se projekti nuk ka asgjë të keqe, ndërsa Lubonja u shpreh se mbjellja e kanabisit bëhet vetëm sepse qeverisë i duhen para për zgjedhjet e ardhshme. Lubonja shtoi se me këto projekte kriminale, qeveria ka bërë që shqiptarët të ikin jashtë e të punojnë për grekët e italianët.

Koco Kokëdhima: Në debat mund të jenë të tjera gjëra, por jo cështja e kanabisit mjekësor. Kur ka vullnet, shteti shqiptar mund të garantojë cdo gjë. Kjo cështje nuk sjell asnjë rrezik. Kanabizimi i vendit është kriminale, por jo legalizimi i kanabisit mjekësor. Por kjo ide duhet mbështetur me kompani të mëdha, me projekte të mira, sepse cështja e kanabisit sot është cështje e të drejtave të njeriut. A e di zoti Vasjari që Greqia drejton kanabisin mjekësor.

Arjan Vasjari: Prsh Italia ka laborator të saj në Firenze dhe ka fituar nga kanabisi farmaceutik shumë pak. Nëse më thua se legalizimi i kanabisit rrit GDP, atëherë të them që po jam dakord.

Koco Kokëdhima: Ekonomia e kanabisitt farmaceutik është ekonomia që rritet më shumë se cdo gjë sot. Duhet një politikë e mirë për të bërë të mundur këtë gjë. Cdo licencë në Greqi ka shpenzuar mesatarisht 14 milionë euro dhe ka rritje të ekonomisë.

Fatos Lubonja: Koco Kokëdhima flet për një qeveri ideale sikur jemi në Holandë. Rama tha se kjo punë bëhet me ekspertë. Se kush janë këta ekspertë nuk na e tha. Nëse pyesim Sorecën thotë nuk e di. Dhe ne jemi mësuar me këtë kryeministër. Edhe Erion Veliaj tha se ne kemi ekspertë tha. Fol Maks Velo, flasin zëra nga Europa. Problemi është se vitin tjetër janë zgjedhjet dhe kanabisi ndihmon ekonominë kriminale.

I vetmi kompenticion që bëjmë në Europë janë prostitucioni dhe trafiku i drogës dhe i kemi lënë shqiptarët e ndershëm të jenë shërbëtor të grekëve dhe të italianëve. Kjo ndodh në një kohë që toka jonë mund të prodhojë domate dhe të tjera produkte ushqimore me rëndësi. Fitimi i madh nga kanabisi në Shqipëri vjen sepse shitet shtrenjtë sepse është ilegal. Nëse bëjmë këtë, konsumatorët do shkojnë tek kokaina e heroina. Unë mendoj se kjo nismë nuk është e mirë. Shqiptarët të mbjellin tokën e mos mbjellin kanabisin kriminal. Kanabisi iu duhet për zgjedhjet e ardhshme.

Në studion e “Real Story” të Sokol Ballës në News24 është diskutuar plani i mundshëm i legalizimit të kanabisit dhe për këtë i ftuar ka qenë ish- deputeti i PD dhe kryetari i Partisë Zgjidhja, Koço Kokëdhima që e ka propozuar disa vite më parë si ide.

Kokëdhima thotë se legalizimi nga kanabizimi janë dy gjëra krejt të ndryshme, madje e para është energji kundër së dytës që është projekt politik për Shqipërinë dhe jo një aksident që ndodhi.

Por Vasjari ka bërë një batutë me Kokëdhimën duke thënë se as Bob Marley, këngëtari që i këndonte aq shumë marijuanës nuk do e mbronte kaq shumë këtë çështje. Më tej Vasjari thotë se legalizimi i kanabisit kërkon një studim për benefitet ekonomike pasi mund të shkaktojë zhdukjen e disa kulturave të tjera bujqësore.

KOÇO KOKËDHIMA: Nuk kanë lidhje. Kanabizimi i Shqipërisë nuk ishte jashtë kontrollit, aksidentalisht, ishte projekt politik. Legalizimi i kanabisit është një energji kunëdr kanabizimit. Ju e pranoni që kanabisin tjetër e zhvilloi qeveria. Atë që kanë bërë qeveritë e mëparshme, sepse të njëjtën gjë kanë bërë.

ARJAN VASJARI: As Bob Marley nuk do e mbronte me kaq pasion këtë çështje. Nuk kam një qëndrim, kam shumë paqartësi, konfuzion, pikëpyetje. Qëndrimi im e pasqyron atë që komuniteti shkencor ka në raport me marijuanën. Nuk ka një qëndrim për kostot, benefitet e kultivimit të kanabisit. është korrekte që në disa vende të zhvilluara lejohet përdorimi i kanabisit përdoret për rekreacioni, kurim por në po aq vende nuk lejohet.

Masat represive kundër këtij si fenomen dhe vijoj të jemi i paqartë edhe pas asaj që tha Kokëdhima apo pozicioni i Lubonjës. Kam disa pyetje:
Cili është impakti i legalizimit të kanabisit? Nëse nuk kemi studim, duhet të kemi qëndrim të konsoliduar, unison të Komunitetit Shkencor Mjekësor në Shqipëri. Unë nuk bindem, kam lexuar për këtë çështje dhe reflektoj atë që bota shkencore ka si qëndrim.
Po flasim për OBSH, që e konsideron si lëndë të rrezikshme, kur nuk e kanë ata të qartë unë s’mund të ndjehem i qartë. Kryesorja është impakti ekonomik, dhe të jenë shkencërisht të vërtetuara.
Shqipëria sot ka kapacitetet infrastrukturore, logjike, humane, integritetin e shtetit që mbart brenda saj riskun më të lartë të kriminalizimit të saj.
Po mir nëse ne jemi të rrethuar nga një ekonomi kaq kompetitive në kultivimin e kanabisit, kush më jep garanci mua që ne do të ishim kompetitivë. A mos do na çonte ky legalizim në vdekje të kulturave të tjera?
Duam të jem i qartë në kosto- benefite.

Analisti Fatos Lubonja, i ftuar në studion e emisionit “Real Story” në News 24 u shpreh kundër legalizimit të kultivimit të kanabisit në Shqipëri për arsye mjekësore.

Sipas tij, janë disa arsyet që po e shtyjnë qeverinë shqiptare të shkojë drejt legalizimit.

“Unë dua të them që Shqipëria asnjëherë s’ka reshtur së trafikuari kanabis, përkundrazi e ka rritur atë ndër vite. Tani jemi në një situatë ku me krizën që ka krijuar pandemia, ka pakësuar të ardhurat e ndershme, në mungesë të këtyre dhe prurjeve të emigrantëve, qeveria po mendon që atë gjë që e luftoi, po e përqafon, po i shkel një sy trafikantëv. Duke hapur rrugën, legalizimin e kultivimit të kanabisit medicinal, qeveriai hap rrugën të gjithë atyre që janë marrë me këtë punë”.

Lubonja shtoi se, “Kanabisi medicinal sjell ca të ardhura, por në këtë tokë të bëkuar mund të mbjellim shumë gjëra, ne nuk preferojmë ta mbjellim me prodhime i sjellim nga vendet e tjera. Jemi kthyer në konsumatorë, paratë për të blerë këto mallra na vijnë në shumicën e rasteve nga pastrami i parave të trafikantëve. Duhet thënë që kanabisi është legalizuar në shtete shumë të zhvilluara, si Holanda. Bëhet fjalë për një kanabis të lehtë pra me përqindje të ulët..sigurisht që jam kundër legalizimit për Shqipërinë”,- tha ai.

Ndryshe nga Lubonja, mendon kreu i “Zgjidhja”, Koco Kokëdhima,i cili tha se Shqipëria do përfitonte shumë nga legalizimi i kultivimit të kanabisit medicinal, por kishte frikë se qeveria do t’i ndryshonte drejtimin.

“Është një treg i madh europian ai i kanabisit medicinal, si mund ta injorojë Shqipëria e varfër këtë gjë? Bujqit tanë shkojnë e punojnë në fermat e grekëve për kultivim kanabisi. Sigurisht që kjo nuk është pa risk se Qeveria mund të mos e implementojë këtë projeket në favort të popullit dhe interest publik, pra mund t’ja humbë përjetësisht Shqipërisë këtë mundësi, rreziku i dytë është që kjo ekonomi legale të vihet në dorën e mafies së drogës, ka shumë gjasa që qeveria jonë të mos jetë transparente, po ashtu që ky projekt të trajtohet në mënyrë sipërfaqësore”,- tha Kokëdhima.

Kryetari i Partisë ZGJIDHJA Koco Kokëdhima i ftuar në emisionin “Real Story” në “News 24” deklaroi se partia e tij përshëndet nismën e qeverisë shqiptare për të legalizuar kanabisin mjekësor.

Kokëdhima shtoi se megjithatë do të donte të dinte se pse qeveria nuk vendosi 6 vjet më parë për të legalizuar kanabisin, duke vlerësuar se arsyeja mund të jetë ekonomia e dobët tani në kohën e Covid-19.

“Jam i shqetësuar që Shqipëria ka humbur shumë për legalizimin e kanabisit për qëllime mjekësore. Gjithë bota e civilizuar ka legalizuar kanabisin mjekësor. Shqipëria fatkeqësisht u privua nga kjo e drejtë. Qytetarët shqiptarë për rrjedhojë për fat të keq u penguan për këtë nismë. Qeveria u kujtua pas 6 vitesh. Pse sot qeveria u kujtua pas 6 vitesh?

Cfarë ka ndryshuar? Asgjë nuk ka ndryshuar, thjesht kanë rrjedhur vitet. Ekonomia është konkurrencë. Ndërsa rajoni ynë e bota ka shkuar shumë përpara, qeveria hap sot debatin për legalizimin e kanabisit për qëllime mjekësore. Qeveria të jetë transparente pse ishte kundër para 6 vitesh e tani është pro”, tha Kokëdhima.

Koco Kokëdhima u shpreh se partia e tij sidoqoftë përshëndet nismën për legalizimin e kanabisit medicinal.

“Ne përshëndesim faktin që kryeministri do që të legalizojë kanabisin medicinal. Një nga arsyet pse ka ndryshuar qeveria qasjen, është se ekonomia jonë është në prag të kolapsit të madh. Unë flas këtu për kanabisin mjekësor si ekonomi legale.

Maqedonia e Veriut ka bërë një punë shumë të mirë me legalizimin e kanabisit në 2016. Maqedonia Veriore ka aspekte pozitive, por edhe negative. Janë 52 shtete që po zhvillojnë këtë ekonomi. Ne duam ekonomi që t’i përkasë shtetit e nuk duam ekonomi që kontrollohet nga trafikantët”, u shpreh Kokëdhima.