Përplasen makinat në Milot, plagosen 3 persona

Tre persona kanë mbetur të plagosur si pasojë e në aksidenti në Milot. Dy makina janë përplasur në aksin Milot-Rrëshen, ndërsa të plagosur kanë mbetur dy drejtuesit dhe një pasagjer. Plagosen drejtuesit E.H.,23 vjeç dhe A.M., 49 vjeç dhe pasagjeri F.S., 46 vjeç.

Mësohet se makinat “Audi” dhe “Toyota” janë përplasur me njëra tjetrën, megjithatë ende nuk dihen arsyet e aksidentit. Drejtuesi i makinës tip “Audi” që është bërë edhe shkak për aksidentin është efektiv policie në Tropojë.

Grupi hetimor po punon në vendngjarje për sqarimin e rrethanave.

Divjakë, makina përplas biçikletën, plagoset rëndë drejtuesi

Një makinë ka përplasur një person që udhëtonte me biçikletë. Si pasojë ka mbetur i plagosur rënd shtetasi Edmond Gjini, 50 vjeç, drejtuesi i biçikletës. Ngjarja ka ndodhur në Divjakë.

Policia ka ndaluar drejtuesin e makinës, ndërsa ka nisur hetimet për zbardhjen e plotë të ngjarjes.

Sulmuesi i përfaqësues së Kosovës firmos për Kukësin

Të mërkurën Kukësi ka bërë një njoftim ku pohon se ka arritur marrëveshjen me futbollistin e përfaqësueses U-21 të Kosovës, Mirlind Daku. Skuadra verilindore shprehet se Daku vjen në formë huazimi nga Osijeku i Kroacisë, duke u bashkuar me ekipin verilindor për një sezon, ndërsa në fund të përfundimit të marrëveshjes, Kukësi ka të drejtë të blejë kartonin e lojtarit.

“Klubi njofton arritjen e marrëveshjes me ekipin kroat të Osijek për futbollistin Mirlind Daku. Shtatlarti vjen në formë huazimi te skuadra jonë, me të drejtë blerjen e kartonit të tij. 21-vjeçari, i cili mbron ngjyrat e “Dardanëve” U-21, ka luajtur me skuadrën e Hajvalia dhe Llapit në Kosovë. Gjithashtu, Daku është aktivizuar në shtatë ndeshje me Kosovën U-21, ku është dhe autor i dy golave. Futbollisti i datëlindjes 1998, luan si sulmues qendre dhe sezonin e shkuar u aktivizua 15 herë për Osijekun në Kroaci, duke shënuar dy gola”, shkruan Kukësi.

Ndërkohë, ekipi nga qyteti verilindor i vendit, të enjten në mesditë do të bëj dhe prezantimin e trajnerit të ri të klubit. Ai është Shpëtim Duro, emër i njohur i futbollit shqiptar, që do të marrë drejtimin e klubit për një sezon. Duro më herët ka drejtuar ekipe të ndryshme në Superligë, nga Partiani, Skënderbeu, Shkëndija e Tetovës në Maqedoni apo Kosovë, dhe tashmë rikthehet si trajner në kampionatin tonë.

Kosovë, trafikonin armë luftarake, 18 të arrestuar

Policia e Kosovës ka arrestuar 18 persona dhe ka sekuestruar sasi të konsiderueshme të armëve dhe lëndëve shpërthyese. Pas një hetimi disa mujor të prokurorisë Ferizaj në bashkëpunim me drejtorinë e Hetimeve kundër Krimit të Organizuar në Prishtinë, është ndërmarrë aksioni policor që ka çuar në 18 arrestime dhe sekuestrimit të një sasi të madhe armësh luftarake.

Policia e Kosovës sekuestroi 37 revole, 8 armë gjuetie, 3 armë AK-47, 2 armë gjysmë-automatike, 7 armë të gjata, 1 pushkë ajrore, 18 karikator dhe pjesë të ndryshme të armëve, një sasi e madhe e fishekëve, rreth 9,000 copë të kalibrave të ndryshëm, rreth 10 000 euro, dhe dy 2 makina.

Sipas prokurorisë të arrestuarit do të gjykohen për veprat penale, “import, eksport, furnizim, transport, prodhim, këmbim, ndërmjetësim ose shitje të paautorizuar të armëve apo materieve plasëse”. Nuk dihen ende detaje të tjera për ngjarjen.

Dosja “Babale”, dëshmon Alibeaj: S’më takon mua të bëj ekspertizën e videos

Ish deputeti Demokrat, Enkelejd Alibeaj ka dëshmuar para trupës gjyqësore në lidhje me çështjen “Babalja”. Alibeaj gjatë dëshmisë së tij thotë se e publikoi audio përgjimin bashkë me kolegët e tij, Ervin Salianji dhe Gazmend Bardhi në cilësinë e drejtorit të departamentit për rendin dhe sigurinë publike.

Edhe pse video rezultoi e pavërtetë, Alibeaj tha se nuk ishte detyra e tij të bënte ekspertizën e videos, por kishte detyrim moral politik që ta publikonte.

Në lidhje me përfshirjen në çështjen “Babalja” dhe audio-përgjimet e publikuara do të dëshmojë edhe sekretari i Përgjithshëm i PD, Gezment Bardhi në seancat e 30 korrikut.

Procesi gjyqësor në ngarkim të të pandehurve Albert Veliu dhe Fredi Alizoti, vijon me pyetjen e dëshmitarëve.

ONM kundër KPK për gjyqtarin Selita, kërkon rivlerësim

Operacioni Ndërkombëtar i Monitorimit ka kërkuar ankimin e vendimit të KPK për kreun e Gjykatës Administrative të Apelit Kastriot Selita. Ai kaloi Vettingun nga Komisioni i Pavarur i Kualifikimit, por ONM nuk është dakord me këtë vendim të KPK-së për Selitën.

Në këto kusthe, vëzhguesi ndërkombëtar ka kërkuar nga Komisioneri Publik, që të apelojë Vettingun për kreun e Gjykatës Administrative të Apelit. Kastriot Selita kaloi Vettingun në datën 18 qershor, pasi KPK vendosi ta konfirmonte në detyrë.

Ky vendim për Kastriot Selitën i është komunikuar Komisionerit Publik këtë të mërkurë në datë të 24 korrikut. Menjëherë pas këtij njoftimi, ka qenë Operacioni Ndërkombëtar i Monitorimit që i ka paraqitur Komisionerit Publik rekomandimin për të ankimuar këtë vendim të KPK në Kolegin e Posaçëm të Apelimit.

Bazuar në pikën 1, të nenit 63, të ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, Komisionerët Publikë, brenda 15 ditëve nga data e njoftimit të vendimit nga Komisioni i Pavarur i Kualifikimit, kanë të drejtë të paraqesin ankim pranë Kolegjit të Posaçëm të Apelimit.

Lëviznin me fenelina policie, gjobiten 6 persona në Lezhë

6 persona janë gjobitur me gjobë dhe heqje të lejes së drejtimit (patentës) pasi lëviznin me makinat e tyre duke mbajtur fenelina policie dhe logo të hetimit tatimor. Ngjarja ka ndodhur në Lezhë ndërsa nuk bëhen të dituar detaje të tjera.

Policia ka marrë masa ndaj 6 personave dhe u hoqi patentën me 6-12 muaj, ndërsa vijon patrullimet dhe monitorimet për evidentimin dhe ndëshkimin e shkeljeve të rregullave të qarkullimit rrugor.

Veliaj: Ato që protestojnë gjithmonë kundër progresit janë të PD dhe LSI

Kryebashkiaku Erion Veliaj ka vendosur t’i përgjigjet protestave tek teatri me punët e bëra deri më sot nga Bashkia e Tiranës, të cilat janë shoqëruar gjithashtu me protesta të mëdha.

Veliaj tha se po të njëjtët persona , përfaqësues dhe mbështetës të PD-LSI, kanë kundërshtuar edhe këndin e lodrave të Liqeni, Pazarin e Ri, sheshin Skëndërbej dhe sot vazhdojnë të bëjnë të njëjtën gjë edhe me teatrin e ri.

“Nisi kundër lodrave te Liqeni, pastaj kundër Sheshit, kundër Pazarit, kundër Bulevardit, kundër Stadiumit, kundër Zgjedhjeve me #EdheUne dhe sot kundër Teatrit të ri! Kundër, kundër, kundër! E keni vënë re që lëvizjet KUNDËR progresit në vend janë i njëjti grup? PD dhe LSI me mashat”, shkruan Veliaj.

Në lidhje me protestën e zhvilluar tek Teatri Kombëtar, Veliaj foli më herët duke ironizuar kreun e PD-së Basha i cili shkeli për herë të parë në atë godinë, ndërkohë që gjatë gjithë këtyre viteve ka bërë teatër në politikë.

https://www.facebook.com/ErionVeliaj/videos/vb.38316716925/370320720535203/?type=3&theater

Boris Johnson konfirmohet nga Mbretëresha: Brexit ndodh në tetor

Boris Johnson mban fjalimin e tij të parë si kryeministër i ri Mbretërisë së Bashkuar në Downing Street. Fjalimi i tij i parë vjen pak pas konfirmim të detyrës së tij të re si kryeministër nga Mbretëresha Elisabeth II dhe miratimit të saj për të formuar qeverinë e re.

Në qendër të fjalimit të tij, ashtu siç pritet është çështja e Brexit duke thënë qartë se “Britania nuk dorëzohet dhe më 31 tetor do të dal përfundimisht nga BE.”

I sigurt dhe gati luftarak në fjalimin e tij të parë si Kryeministër, Johnson tha se njerëzit kanë prit mjaftueshëm dhe se unë do të vihem në shërbim të tyre.

“Nuk kemi pse presim edhe 99 ditë për arritjen e një marrëveshje për Brexit. Brexit ishte një vendim themelor nga populli britanik dhe Britania e Madhe do të ndjekë një partneritet të ngushtë me BE. Do të ketë vështirësi, por jam i bindur se do të ketë një marrëveshje pwr daljen nga unioni. Puna fillon tani.” tha Johnson nga ndërtesa numër 10 e Downing Street, ku u fut si kryeministri 77 i Mbretërisë së Bashkuar.

Sarandë, përplasen dy makina, 5 të plagosur

Një aksident i rëndë ka ndodhur në Sarandë duke lënë një bilanc prej 5 të plagosurish. Dy makina janë përplasur kokë më kokë dhe si rezultat njëra prej tyre ka dalë nga rruga. Një ‘Benz’-i dhe një ‘Land Rover’ kanë pasur një përplasje të fortë, ku ‘Jeep’ ka dalë 3 metra nga rruga duke përfunduar në ambientet e një biznesi.

Për pasojë kanë mbetur të plagosur 5 persona, që udhëtonin brenda këtyre dy mjeteve, fatmirësisht jashtë rreziku për jetën.

Nuk dihen shkaqet e aksidentit, ndërsa policia ka nisur hetimet në vendin e ngjarjes.