Author: albi

Kryetari i Bashkisë së Tiranës, Erion Veliaj ka dhënë një mesazh për 23-vjetorin e sulmeve terroriste të 11 Shtatorit.

Nëpërmjet një postimi në rrjetet sociale, Veliaj shkruan se 11 shtatori 2001 do të përkujtohet gjithmonë, nga të gjithë, si dita që ndryshoi Amerikën dhe botën.

Ai nënvizon se gjeneratave të ardhshme duhet t’u lëmë trashëgimi vlerat demokratike dhe jo sulmet e pakicave të dhunshme

“11 shtatori 2001 do të përkujtohet gjithmonë, nga të gjithë, si dita që ndryshoi Amerikën dhe botën. 23 vjet pas aktit terrorist në Kullat Binjake, gjeneratave të ardhshme duhet t’u lëmë trashëgimi vlerat demokratike dhe jo sulmet e pakicave të dhunshme. Le të mos harrojmë”, thekson Veliaj.

Pas ish kryeministrit Sali Berisha, në SPAK është paraqitur edhe dhëndri i tij Jamarbër Malltezi, i cili do të njihet gjithashtu me akuzat në lidhje me dosjen “Partizani”.

“Në SPAK është paraqitur edhe Jamarbër Malltezi, Njësoj si ish kryeministri Berisha që u njoh me akuzën e korrupsionit pasiv, edhe Malltezi do të njihet zyrtarisht me akuzat nga prokuroria e posaçme. Ndaj Malltezit janë zhvilluar hetime për rreth një vit. Do të shohin nëse do të jenë të njëjtat akuzat dhe të merret i pandehur me akuzën e korrupsionit aktiv dhe pastrim parash”, raportoi gazetari Ermal Vija.

Berisha është në hetim për veprën penale të korrupsionit së bashku me dhëndrin e tij, Jamarbër Malltezi, i cili akuzohet nga SPAK se ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt, falë vendimeve të qeverisë të marra nga vjehrri i tij.

Sali Berisha është marr zyrtarisht i pandehur nga SPAK, ku iu është komunikuar akuza e korrupsionit.

Lidhur me këtë ka komentuar në “Tirana Live”, avokati Idajet Beqiri, i cili ka deklaruar se Berisha mund të dënohet deri në 8 vite burg.

Ai theksoi se Berisha bashkë me dhëndrin e tij, Jamarbër Malltezin kanë përfituar bashkë 5 milionë euro, para të cilat i kanë pastruar në 17 kulla.

Sipas avokatit, me këtë hetim u hap faqja e parë e hetimit të një libri voluminoz, ku janë përfshirë dhe bashkëpunëtorë të tjerë.

“Është e vërtetë dhe duket që rruga është shumë e gjatë. Hetimet tani kanë përfunduar dhe më pas të thërrasin, të komunikojnë veprën penale që je i pandehur. SPAK do të japi një vendim nëse do të jetë për korrupsion pasiv bashkë me dhëndrin e tij, pasi korrupsioni është i dukshëm shumë me fitim 5 milionë euro. Edhe paratë janë pastruar në 17 kullat.

Sot SPAK-u i tha Berishës me këmbë të mbarë ti dhe familjarët e tu. Sot u hap faqja e parë e hetimit dhe libri do të jetë voluminoz. Do të ketë çështje të tjera, nga krimi, mosdeklarimi i pasurive dhe deri te dhënia e tenderave me qëllim për të grabitur qytetarët shqiptarë.

Problemi është që kjo është një çështje dhe janë tre të pandehur me këtë çështje. Jam i bindur që në dosjen 500 faqe dilnin dhe elementë të tjerë që kishin bashkëpunëtorë të tjerë në atë krim.

Nga 500 faqet e dosjes, alternativa e vetme kuptohet dhe shqiptarët e kanë të qartë se çfarë ka ndodhur me këtë çështje. Me atë dosje 500 faqe, kushdo që të jetë gjyqtar do t’i jap atij 2 deri në 8 vite burg”, tha ndër të tjera Beqiri.

Ka shkuar në katër numri i të arrestuarve në lidhje me vrasjen e dy vëllezërve Gramoz dhe Lavdimir Kurtaj në fshatin Kurjan të Roskovecit. Në pranga kanë rënë dhe dy djemtë e autorit Altin Kuka, Ervis Kuka, 21 vjeç dhe Emaurisio Kuka, 18 vjeç, pasi dyshohet se në bashkëpunim me njëri tjetrin kanë kryer vrasjen.

Gjithashtu është arrestuar edhe Tomor Zyka, 67 vjeç, për përkrahje të autorit të krimit. Nën hetim është vënë për shkak të moshës babai i 49 vjeçarit Altin Kuka për veprat “Mbajtja pa leje dhe prodhimi i armëve, armëve shpërthyese dhe i municionit”, dhe “Prodhimi dhe mbajtja pa leje i armëve të gjuetisë dhe sportive”.

Në cilësinë e provës materiale u sekuestruan 1 armë zjarri automatik, 1 armë zjarri pistoletë, 1 armë gjahu, 4 krehra, municion luftarak, 5 automjete dhe 1 motoçikletë.

Burime policore thanë për ABC News se në skenën e krimit janë gjetur vetëm gëzhoja automatiku. Babai ka shkuar me dy djemtë te dyqani i vëllezërve Kurtaj. Njëri nga dy djemtë e autorit ka pasur pistoletë me vete, e cila është sekuestruar.

Të tjera detaje bëhen të ditura lidhur me ngjarjen e rëndë në Roskovec, ku Gramos dhe Lavdmir Kurtaj, 52 dhe 46 vjeç, u ekzekutuan me armë zjarri.

Shkak i ngjarjes së rëndë dyshohet të jetë bërë një konflikt mes fëmijëve të viktimave dhe djalit të autorit, tanimë i arrestuar, Altin Kuka.

Konflikti ka nisur mes djemve të viktimavea dhe punëtorit të autorit të ngjarjes.

Fillimisht debati ka nisur te pularia e autorit, pastaj janë konfliktuar me djalin e autorit.

Një ditë më pas prindërit shkojnë për t’u sqaruar te pularia, por situata degradon, pasi viktimat dhe djali i autorit zihen sërish.

Pas sherrit të dhunshëm mësohet se dy palët kanë përplasur edhe automjetet e njëri-tjetrit.

Pas këtij episodi, autori ka ikur te lokali ku ndodheshin viktimat dhe i ka ekzekutuar. Menjëherë pas ngjarjes, sëbashku me armën e krimit, ai është vetëdorëzuar në policia.

Një aksident me vdekje ka ndodhur aksin rrugor “Kryezi-Iballë”, në vendin e quajtur “Laku i Ballcit”.

Raportohet se ngjarja ka ndodhur rreth orës 07:30, ku 40-vjeçari Shkëlzen Lleshaj duke drejtuar automjetin, dyshohet se ka humbur kontrollin, dhe si pasojë makina ka dalë nga rruga.

Për shkak të dëmtimeve, 40 vjeçari ka humbur jetën.