Gjykata e apelit të posaçëm ka caktuar datën 27 maj për të zhvilluar seancën e parë ndaj Alfred Belerit. Kryetari I bashkisë së zgjedhur të Himarës është dënuar nga shkalla e parë me 2 vite burg për korrupsion në zgjedhje.
Ai ka kërkuar pafajsinë, ndërsa seanca e parë do të mbahet më 27 maj në orën 10. Në mars të këtij viti, gjykata e posaçme e dënoi kryetarin e zgjedhur të Himarës me 2 vite heqje lirie, ndërsa bashkëpunëtori i tij Pandeli Kokaveshi u dënua me shërbim prove.
Beleri u arrestua dy ditë para zgjedhjeve të 14 majit me dyshimin se iu dha para qytetarëve në Himarë, në këmbim të votave në favor të koalicionit “Bashkë Fitojmë”.