Presidenti i Shteteve të Bashkuara të Amerikës, Joe Biden, shau një gazetar duke iu drejtuar “bir kur***” budalla”, kur u pyet për inflacionin.
Reagimi i Bidenit erdhi kur gazetarët po bënin pyetje pas një takimi të Këshillit të Konkurrencës në Shtëpinë e Bardhë, mbi përpjekjet për uljen e çmimeve. Korrespondenti i Shtëpisë së Bardhë të Fox, Peter Doocy e pyeti Bidenin “A mendoni se inflacioni është një detyrim politik në terma afatmesëm?”
“Është një aset i madh — më shumë inflacion,” iu përgjigj Biden, derisa më pas u dëgjua e shara.
Bëhet e ditur se Biden e kontaktoi në mbrëmje gazetarin për t’i kërkuar falje.
“Brenda një ore nga ai shkëmbim, ai më telefonoi dhe më tha: “Nuk është asgjë personale, mik”, tha gazetari Doocy.