Në zemër të zonës së ngrirë të Arktikut, Putin ka ngritur një bazë ushtarake që ka ëndërruar gjithmonë. Në një raport special të bërë nga CNN, baza ndodhet në Kotelny Island dhe më afër është me Siberinë se sa me vetë Moskën.
Baza ushtarake Veriore ka formën e një kompleksi të trefishtë dhe është një nga postet më të reja ushtarake të Rusisë, në një nga mjediset më të ndaluara në planetin. Kompleksi është ndërtuar për të strehuar deri në 250 ushtarakë dhe ka furnizime të mjaftueshme për të mbijetuar dhe për të operuar për më shumë se një vit, pa ndihmë nga bota e jashtme. Flota veriore e Rusisë u zhvendos në bazën në vitin 2016 dhe personeli nuk ka pse të përballet me të ftohtin arktik, vetëm nëse është në detyrë. Baza është e ndërtuar në një cikël të mbyllur, ku blloqet e banimit dhe ato të operimit janë të ndërlidhura me njëra-tjetrën.
Baza është e pajisur me sisteme të raketave mbrojtëse bregdetare dhe sisteme të raketave sipërfaqësore të ajrit të afta për të operuar në temperatura deri në -50 C. Dhe ushtria ruse ka në plan të forcojë më tej pozicionet e saj në Arktik duke testuar një version “polar” të sistemeve anti-ajrore S-400. Baza kryen kontrollin e radarëve, monitoron hapësirën ajrore, siguron Rrugën e Detit të Veriut dhe eliminon dëmtimin e mjedisit.
Kjo është një nga tre bazat e reja ruse që pritet të ndërtohen, ku presidenti rus, Vladimir Putin kërkon t’i tregojë botës “muskujt” ushtarak të vendit të tij përgjatë bregdetit të detit Arktik.
