Është mbyllur në barazim 1-1 pjesa e parë mes Lokomotiv Moscoë dhe Juventus, në takimin e raundit të katërt të Champions League. Ramsey kaloi në avantazh Juventusin që në minutën e katërt, pas një gafe të portierit vendas. Ronaldo ekzekutoi një goditje dënimi, me topin që shkoi në duart e portierit, por i rrëshikit ndërsa Ramsey përfitoi duke e shtyrë në rrjetë.
Por në një situatë të ngjashme, Juventus do të pësonte pak minuta më vonë. Në të 12`, Miranchuk barazoi shifrat për skuadrën ruse, pasi përfitoi nga një top i kthyer pas nga përplasja me shtyllën. Në mungesë të mbrojtësve të Juves në zonë, lojtari i Lokomotivës gjeti rrjetën duke barazuar shifrat.
Në barazim pa gola është mbyllur dhe sfida tjetër e pasdites ajo mes Bayern Munich dhe Olympiacos Piraeus. Ndonëse dominoi gjithë takimin, Bayern nuk arritit të gjente rrjetën në pjesën e parë. Në këtë sfidë, skuadra gjermane drejtohet nga zëvendës trajneri, pas shkarkimit të trajnerit kroati, Niko Kovaç.